Flash News

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

E-TJERA

Në kërkim për vrasjen e Endri Mustafës, arrestohet në Turqi Ibrahim Lici

Politiko 15 Shkurt 2024, 09:11

Në kërkim për vrasjen e Endri Mustafës, arrestohet në

Ibrahim Lici, i shpallur në kërkim ndërkombëtar si i dyshuar në vrasjen e Endri Mustafës, është arrestuar në Turqi.

Sipas informacioneve, autoritetet turke janë njoftuar nga policia shqiptare për vendndodhjen e Licit.

"Strukturat vendore të Policisë Shkodër, si rezultat i punës së pandërprerë për lokalizimin dhe kapjen e shtetasve të shpallur në kërkim, kanë siguruar informacion se shtetasi i shumëkërkuar I. L. fshihej në Turqi. Më tej, struktura të specializuara të Departamentit të Policisë Kriminale dhe Departamentit për Marrëdhëniet Ndërkombëtare (Interpol Tirana) e kanë shkëmbyer menjëherë këtë informacion dhe kanë bashkëpunuar ngushtë me autoritetet policore të Turqisë, për kapjen e këtij shtetasi.

Si rezultat i shkëmbimit të informacionit në kohë reale, ndjekjes dhe koordinimit të veprimeve, Policia turke ka finalizuar operacionin policor të koduar “Jehona”, gjatë të cilit është kapur dhe vënë në pranga shtetasi i shumëkërkuar I. L., 51 vjeç.

Gjykata e Rrethit Gjyqësor Shkodër, në vitin 2021, i ka caktuar këtij shtetasi, masën e sigurisë “Arrest në burg”, për vepat penale “Vrasja me paramendim” dhe “Mbajtje pa leje dhe prodhim i armeve shperthyese dhe municionit”, pasi më datë 15.05.2021, dyshohet ka vrarë me armë zjarri pistoletë, shtetasin E. M", njofton policia.

Lici dyshohet si i përfshirë në vrasjen e Endri Mustafës në Shkodër më 17 maj 2021. Lici akuzohet si ekzekutori i Mustafës, për vrasjen e të cilit është dënuar me 10 vite burg Ergys Malja.

Ibrahim Lici ishte një nga 5 personat më të kërkuar në Shqipëri për të cilët Policia e Shtetit premtoi shpërblim për çdo informacion që çonte në kapjen e tyre.

Emri i Licit del edhe në dosjen e “Metamorfozës”. Është Behar Bajri ai i cili planifikon të vrasë Ibrahim Licin dhe Genc Tafilin. Bajri mendoi ta sulmonte Licin në varrimin e Idrit Rrajës, ku flet dhe i vjen në ndihmë dhe ish-polici Ardit Hasanbegaj, i cili jep informacione mbi vendndodhjen e Licit në zonën e jugut.

Bajri po ashtu, kërkoi edhe bashkëpunimin e biznesmenit Pëllumb Gjoka, i cili ndodhet sot në burg.

Të fundit