Flash News

Gjendet i vdekur një 37-vjeçar në Portin e Shëngjinit

E-TJERA

Pezullimi nga detyra i drejtorit të Përgjithshëm të AMP-së, Gjykata e Beratit shpall moskompetencën për Florian Sulejmanin

Politiko 21 Prill 2025, 13:54

Pezullimi nga detyra i drejtorit të Përgjithshëm të

Gjykata e Beratit kishte pranuar kërkesën e Prokurorisë së Beratit për pezullimin nga detyra të drejtorit të Agjencisë së Mbikëqyrjes Policore, Florian Sulejmani, pasi është nën hetim për shpërdorim detyre lidhur me procedurën e ndjekur në transferimin e oficerëve të policisë gjyqësore, që dyshohet se është kryer në kundërshtim me legjislacionin përkatës.

Sipas prokurorisë, çështja penale në ngarkim të Florian Sulejmanit ka të bëjë me transferimin e vartësve të tij.

Ndërkohë gjatë seanës së sotme, gjyqtari Ilirjan Hysi, pasi qëndroi rreth 1 orë në Dhomën e Këshillimit, vendosi vazhimin e masës së pezullimit nga detyra të kreut të AMP-së.

Gjithashtu ka shpallur moskompetencë territoriale, duke ja kaluar çështjen Gjykatës së Tiranës.

VENDIMI I GJYKATËS BERAT

Bazuar në nenet 228, 229, 242, 248 të Kodit të Procedurës Penale dhe neni 248 i Kodit Penal,

VENDOSI:

Vazhdimin e masës së sigurimit personal ndalues të “Pezullimi i ushtrimit të një detyre a shërbimi publik”, e parashikuar nga neni 242 i Kodit të Procedurës Penale për personin nën hetim Florian Sulejmani, i datëlindjes 20.12.1977, lindur në Dibër dhe banues në Tiranë, me detyrë Drejtor i Përgjithshëm i Agjencisë së Mbikëqyrjes Policore, i dyshuar për kryerjen e veprës penale “Shpërdorimit të detyrës”, parashikuar nga neni 248 i Kodit Penal.

Ngarkohet Prokuroria pranë Gjykatës së Shkallës së Parë të Juridiksionit të Përgjithshëm Berat dhe Policia Gjyqësore Berat të zbatojë këtë vendim.

Shpenzimet gjyqësore siç janë bërë.

Kundër këtij vendimi (i cili sipas nenit 248 i KPP do të depozitohet i arsyetuar brenda 48 orëve) lejohet të bëhet ankim në Gjykatën e Apelit të Juridiksionit të Përgjithshëm, brenda 5 (pesë) ditëve, afat ky që fillon nga e nesërmja e ditës së njoftimit të këtij vendimi.

Shpalljen e moskompetencës tokësore të Gjykatës së Shkallës së Parë të Juridiksionit të Përgjithshëm Berat, në lidhje me çështjen penale me Nr. 179 Regj. Them, Dt.Regj.Them 17.04.2025.

Dërgimin e akteve Gjykatës së Shkallës së Parë të Juridiksionit të Përgjithshëm Tiranë si gjykatë kompetente tokësore për gjykimin e kësaj çështjeje.

U shpall në Berat, datë 21.04.2025!

Të fundit