Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Temperatura do të ndihet si 44 gradë celsius, sa do të zgjasë vala e të nxehtit

Politiko 29 Qershor 2022, 11:51

Temperatura do të ndihet si 44 gradë celsius, sa do të

Termometri edhe sot shënon vlera të larta të temperaturave. Në një kohë kur vendi është goditur nga vala e të nxehtit afrikan, parashikohet që edhe në vijim temperaturat të mbeten të larta.

Meteorologia Lajda Porja tha për MCN Tv se temperaturat do të jenë 39 gradë celsius, por do të ndihen 4-5 gradë më shumë. I nxehti pritet të zgjasë deri në 4-5 korrik. E enjtja do të shënojë një rënie të lehtë, por të premten do të ketë sërish rritje temperaturash.

Meteorologia sugjeroi për qytetarët të shmangin lëvizjet midis orës 11:00 deri në orën 14:30. Ndër qytetet që do të goditen më shumë nga i nxehti janë: Tirana, Berati, Shkodra, Elbasani, Gjirokastra, Kuçova, Lushnja, Fieri si edhe Kukësi e Hasi në veri.

“Si zonat me temperaturat më të nxehta përmendi Shkodrën, Elbasanin, Tiranën, Beratin, Gjirokastrën, Kuçovën, Lushnjën dhe Fierin, ndërsa në veri, përmendi se në Kukës dhe në Has temperatura do të shkojë 36-37 gradë celcius.

Vija bregdetare do të jetë me temperaturë 34-37 gradë, ku Saranda dhe Ksamili do të shënojnë vlerat më të larta. Valët e të nxehtit do të qëndrojnë deri në 4-5 korrik.

Nesër do të ketë një rënie me 1 apo 2 gradë por do rritet sërish të premten dhe do të mbetemi me temperatura 37, 38 dhe 39 gradë. Në zona të izoluara verilindore mund të ketë ndonjë reshje.

Na pret një periudhë e gjatë, e thatë dhe e nxehtë, deri 6 korrik. Më pas do të ketë një përmirësim të dukshëm në 6 korrik me vlera 35 dhe 36 gradë. Jemi futur në zonën e nxehtë ku korriku dhe gushti ka pasur herë pas here goditje nga valët e të nxehtit. Kemi pasur dy valë të nxehti afrikan në qershor dhe kjo nuk është një gjë e zakonshme.

Këshilloj që nga ora 11.00 deri në 14.30 që shënohet piku i vlerave ekstreme lëvizjet në ambiente të zhveshura mirë është të mos bëhen. Flasim për vlera termike të matura në hije, ku nëse në Tiranë është temperatura 39 gradë, ndihet 4-5 gradë më shumë. Në Tiranë lagështia është më e lartë dhe i nxehti ndihet më shumë”, tha Porja.

 

Të fundit