Flash News

Përfundon pa ndryshime rinumërimi i votave në Durrës

Zhduket pa gjurmë çobani në Delvinë

Italia ashpërson rregullat për qarkullimin e monopatinave

E pazakontë për kohën, mjegulla e dendur mbulon bregdetin e Vlorës

Aksident në aksin Shkodër -Lezhë, një i vdekur e 3 të plagosur

KRYESORE

"Fytyrat e krimit", Mirela Karabina publikon emrat e Këshillit Bashkiak: T`i poshtëroni sa herë t`ju thirret emri

Politiko 20 Maj 2020, 19:02

Ish-ministrja Mirela Karabina ka folur edhe sot në protestën që po zhvillohet në këto momente në hyrje të Pedonales për shembjen e Teatrit Kombëtar. Karabina në fjalën e saj doli me një pankartë me emrat e anëtarëve të Këshillit Bashkiak që kanë firmosur shembjen e Teatrit Kombëtar.

Ish ministrja u shpreh se Erjon Veliaj dhe edi Rama duhet të japin dorëheqjen. E ndërsa shtoi se të dy, bashkë me anëtarët e këshillit bashkiak duhet të dalin para gjyqit.

“Ky është pushteti i krimit dhe ne jemi tek vendi i krimit. Nuk ka pasur aspak të drejtë të ceket Teatri Kombëtar. Ky krim që ka ndodhur tek Teatri ka fytyrë. Fytyra e fundit është Edi Rama. Erjon Veliaj ka bërë krim, duke rrezikuar jetën e njerëzve. Këta janë turpi i Shqipërisë, turpi i qytetit. Janë këto drejtorë e zyrtarë që marrin para kushedi nga rruga të tjera. Erjon Veliaj duhet të japë dorëheqjen. Plarent Ndreca që është anëtar në katër borde, Toni Gogu, Vjollca Braho, Mira Rakacolli, Violeta Koka, Adrian Civici, Aldrin Dalipi Rovena Voda, Romina Kuka, Julian Hodaj, Abert Nikolla, Ervin Mete. Dua t’i poshtëroni sa herë t’ju thuhet emri. Janë këta që firmosën për prishjen e Teatrit. Oltion Rrumbullaku, Artan Sula, Ornela Cuci, Ermira Gjergji janë disa emra që janë edhe në ministri, edhe në institucione të Bashkisë, kudo, Etjen Xhafaj, Redi Shtino, Blerina Doracaj, Enis Hoxha, Alketa Lila, këshilltarja e Arbër Maznikut. Këto janë disa emra që kujtojnë se kanë marrë në dorë fatet tona e kanë firmosur krimin. Të gjithë anëtarët e Këshillit Bashkiak të japin dorëheqjen e të dalin para drejtësisë. Edi Rama të japë dorëheqjen e të dalë para drejtësisë sepse është ideatori”, u shpreh Karabina.

E ndërsa përfundoi duke rithënë edhe njëherë se "Qeveria ka dashur të vrasë njerëzit dhe ka marrë  jë pronë që nuk i takon. VKM-ja nuk i jep Bashkisë së Tiranës Teatrin Kombëtar. Edi Rama duhet të japë dorëheqjen sepse është ai ideatori që ka bërë këtë."

Të fundit