Leku forcohet e nuk ka frikë, se çunat jashtë merren me botanikë!

Nga Irena Beqiraj

Për të shpjeguar forcimin e Lekut , profesori më i ri i "ekonomisë reale" në vend , Kryeministri  tha se 8.5 miliardë euro kanë hyrë nga kombinimi  turizmi edhe investimet e huaja .

Të dhënat e Bankës së Shqipërisë tregojnë se:

Treguesit kryesorë financiarë të turizmit për vitin 2025 ishin:

Të ardhurat bruto nga turizmi: 5.72 miliardë euro.

Ndërsa, 3.04 miliardë euro janë shpenzuar nga shqiptarët jashtë vendit.

Pra fluksi neto hyrës neto nga turizmi është: 2.68 miliardë euro të injektuara direkt në ekonomi.

Investimet e huaja për 2025 ishin 1.64 miliardë por, 51% të tyre e zinte  fitimi që kompanitë e huaja kanë realizuar në Shqipëri . Pra fluksi shtesë i hyrjeve nga investimet e huaja është 0.82 miliardë.

Llogaria tregon se fluksi shtesë i turizmit edhe investimeve të huaja

2.68 +0.82= 3.5 miliardë.

Për të ndihmuar profesorin e ekonomisë reale le të përfshijmë edhe remitancat  që për vitin 2025 janë llogaritur 1.12 miliardë Euro.

Totali:

2.68 +1.12 +0.82 = 4.62 miliardë euro.

Ku dreqin u gjend shifra 8.5 miliardë?

E pra Delinë, mos e lër shefin të turpërohet shpjegoja se me këto shifra zyrtare të hyrjeve në monedhë të huaj nga remitancat turizmi edhe investimet e huaja: Leku forcohet e nuk ka frikë, se çunat jashtë merren me botanikë!

Ndaj vetëm po të pranojmë se 4 miliardë euro kanë ardhur si fluks hyrës nga sektori "botanik" shkojmë tek shifrat e suksesit real të e Kryeministrit.

Edhe botanika ekonomi reale është por e pa ligjshme ndaj nuk përfshihet në shifrat zyrtare!

Po fundja a ka nevojë suksesi të jetë i ligjshëm?