“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]
█Politika shqiptare si rrallë herë është bërë bashkë, madje janë ulur edhe në një darkë festive.
Ata janë bashkuar në darkën e organizuar për festën e Pavarësisë së Amerikës në rezidencën e SHBA, nga ambasadorja Yuri Kim.
█Historiku i 4 korrikut/ Dje SHBA festoi 244-vjetorin e pavarësisë, ditën që gdhendi fjalët më të fuqishëm në historinë e Amerikës. Yuri Kim:Ky vit nuk është si asnjë tjetër.
█Kritike e ashpër e Bashës. PD “i hap” derën Topallit. Bardhi nga Shkodra: Zë që ka dhënë kontribut të jashtëzakonshëm.
█Ish-kryeministri Sali Berisha paralajmëron se pas ngritjes së aktakuzave për krime lufte, Beogradi bashkë me argatët shqipfolës po përgatiten për goditjen politike “nukleare” ndaj Kosovës.
█Pas ‘përplasjeve’ me shtetin, rinis të hënën transporti urban në Tiranë, cilat janë masat që duhen zbatuar.
█ Vetëflijimi në emër të ringjalljes në Kombinat, policia dhe prokuroria nis hetimet për sektet fetare në Shqipëri.
█Arjan Mezini, mjek në Sanatorium tha se situata në vend vijon të mbetet shqetësuese prej koronavirusit dhe rritjes së shifrave. Në një bisedë me Nisida Tufën ai u shpreh se duhet të kishte një strategji të qartë sesi do të bëhej hapja, por kjo nuk u duk gjëkundi.
Po ashtu mjeku shtoi se nevojitej hapje e spitalit Covid 3.
█ Ish-deputeti i PD, Bardh Spahia tha se situata me Covid-19 ka dalë jashtë kontrollit dhe se qeveria nuk ka arritur ta menaxhojë si duhet dituatën.
Në një deklaratë për mediat ai i kërkoi kryeministrit Rama të mbajë përgjegjësi për të gjithë personat që kanë humbur jetën e tu përgjigjet shqiptarëve.
█Deputeti socialist Damian Gjiknuri tha se nëse maxhoranca nuk siguron dot votat për të kaluar në Kuvend Kodin e ri Zgjedhor do të marrë parasysh kërkesën e opozitës paralamentare për listat e hapura në këmbim të votave të tyre.
Në një komunikim për mediat nga Vlora Gjiknuri arsyetoi se nevojitet një kompromis në të kundërt nuk ka ligj zgjedhor.
