Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Pse Yuri Kim vizitoi Shkodrën dy herë brenda pak muajsh, Voltana Ademi rendit arsyet: Ka lidhje edhe me situatën politike

Politiko 30 Shtator 2020, 20:12

Pse Yuri Kim vizitoi Shkodrën dy herë brenda pak muajsh, Voltana Ademi

Voltana Ademi, është e vetmja “kapitene” e mbetur në anijen e opozitës jashtëparlamentare që vazhdon të lundrojë në ujërat e pushtetin lokal, që pas 30 qershorit, kur PD e LSI, bashkë me partitë tjera aleate nuk morën pjesë.

Në një intervistë për PolitikOn me gazetarin Alfred Lela, kryebashkiakia e Shkodrës ka rrëfyer se si ndihet përballë këtij fakti, nisur edhe nga rastësia në një farë mënyre se kandidati i vetëm i PS, Valdrin Pjetri u kap në “rrjetën” e dekrimianlizimit.

“Nuk kemi më shumë ose më pak fonde, jemi në të njëjtën situatë. Vuajtja ndonjëherë të bën më të fortë dhe ndoshta jemi perfeksionuar në administrimin e vetëm tonin si komunitet. Kjo ndoshta ka ndryshuar nga viti në vit.

Unë jam e kënaqur që Shkodra vazhdoi të qëndronte duke mbrojtur të drejtën për të ushtruar demokracinë, se nuk lidhet me personin tim. Zoti e deshi shumë qytetin tonë, kjo është e sinqertë. Jo pa rëndësi është edhe pjesa tjetër që lidhet me lëvizjen e qytetarëve, politikanëve vendorë e kam fjalën që denoncuan në çdo hap për ta bërë që e vërteta të rezultonte në një vendimmarrje lokale të patundshme.

Nuk mund t’ja lesh vetëm Zotit. Në historinë e qytetit tonë ka patur një ndërhyrje që e ka shpëtuar qytetin, ndërkombëtarët kanë patur një rol të rëndësishëm. Fati e ndihmoi që edhe njerëzit e deshën”, tha Ademi.

Po ashtu, Ademi ka folur më shumë edhe mbi tensionet e herëpashershme që ka patur me qeverinë, konkretisht me kryeministrin Edi Rama, apo ministrin e Brendshëm, Sandër Lleshaj.

Po ashtu, muajt e fundit u vu re se ambasadorja e SHBA, Yuri Kim vizitoi Shkodrën dy herë brenda pak muajsh, ndryshe nga qytetet e tjera të vendit.

Po pse kjo zgjedhje e Kim për Shkodrën? Sipas Ademit, trupa diplomatike, dy vizitat e ambasadores Kim kishin lidhje me situatën politike në vend.

“Mbajmë relacione me gjithë trupën diplomatike në Shqipëri, në sajë të mbështetjes që SHBA, BE apo shtete të posaçme si Gjermania, Italia japin ndihmë të vazhdueshme. E kanë bërë gjatë gjithë viteve. E kemi shfrytëzuar maksimalisht këtë ndihmë duke qenë aktivë.

Vizita ka lidhje edhe me situatën politike të vendit. Patëm një diskutim kur u përhap covid, u vu re një tension që nuk bënte sens me prezencën e ministrit të Brendshëm në Shkodër, e kam gjykuar si një mbështetje për të siguruar një qetësi në administrimin e një shqetësimi për ne dhe kishim nevojë për një mbështetje.

Ashtu e kam vlerësuar edhe prezencën e ambasadores sërish, por edhe ambasadorëve të tjerë që janë interesuar shumë me çështje qoftë me përballimin e pandemisë, por edhe pjesën që lidhet me sigurinë e rendin, adresimin e çështjes së zgjedhjeve, funksionalitetit normal të bashkisë së Shkodrës në kushtet e një situatë të paprecedentë, pasi kam patur probleme me administrimin vendor dhe në këto raste ka patur mbështesje të vazhdueshme edhe të SHBA përmes ambasadës dhe ambasadorët e tjerë që kanë ndihmuar në lehtësimin e një komunikimi të detyrueshëm që ne kemi patjetër me qeverinë dhe për t’i bërë të qarta për publikun. Kjo merr vlerë të rëndësishme”, u shpreh Ademi.