Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

Ditari i Maxhorancës

"PS duhet të vetëkorrigjohet", ish-deputeti socialist i del në krah Spiropalit, ish-ministrja ia kthen me 'like'

Politiko 30 Prill 2026, 19:44

"PS duhet të vetëkorrigjohet", ish-deputeti socialist i del
Në një reagim publik në rrjetet sociale, ish-deputeti i Partisë Socialiste, Petro Koçi duket se po renditet krah 'të pakënaqurve' duke sjellë një reflektim mbi mënyrën se si funksionon dhe duhet të funksionojë një forcë politike si PS, në vazhdën e përplasjeve nga Elisa Spiropali. 

Koçi bën një ndarje mes atyre që, sipas tij, e “duan” partinë dhe përpiqen ta përmirësojnë përmes kritikës konstruktive, dhe atyre që e përdorin për karrierë apo përfitime personale. 

Në mënyrë domethënëse, reagimi i tij ka marrë edhe një sinjal publik mbështetjeje nga vetë Elisa Spiropali, e cila ka reaguar me “like” në postimin e Koçit, një detaj që ka tërhequr vëmendje në kontekstin e debatit të brendshëm në PS.

Postimi: 

Te duash Partine Socialiste eshte ndryshe nga te te duhet Partia Socialiste.
Ata qe e duan perpiqen ta permiresojne, ta perfeksionojne sepse u dhembin perpjekjet, vuajtjet, sakrificat, kontributet e mijera militanteve te saj nder vite. Ata, te cileve thjesht u duhet partia per karriere e per tu pasuruar shpesh e vjedhin pushtetin e saj, e shperdorojne dhe e baltosin moralin e saj publik.
Nese punet nuk ecin si duhet ata qe e duan PS ne perpiqen te nderhyjne duke analizuar, keshilluar e propozuar.
Te korruptuarit ose tradhetaret e votebesimit popullor ndaj PS perpiqen ti mbulojne problemet apo dukurite regresiste. Ata ndertojne skema qe shmangin pushtetin e anetaresise se partise ne proceset vendimmarrese. Sillen me arrogancen e nje pushteti te deleguar nga lart. Ata vendosin motin politik ne parti. Sillen si bajraktare te dikurshem por te veshur me Armani ama.
Prandaj kam kerkuar qe te balancohet marredhenia duke dhene anetaresise te pakten gjysmen e pushtetit te te deleguarve. Republika t'u hiqet nga duart drejtoreve e te deleguarve e ti dorezohet sovranit e perfaqesuesve te tij.
Qeveria te mos prese qe korrupsionin ta luftoje vetem SPAK e GJKKO, por te nderhyje me vendosmeri me masa administrative nda cdo zyrtari qe rezulton me shkelje sidomos financiare nga kontrollet e KLSH apo auditet shteterore.
Partia te behet me kolegjiale ne vendimmmarrjet perfaqesuese dhe te respektohet ne menyre institucionale vleresimi i anetaresise se PS per ceshtjet e rendesishme politike.
Qasja institucionale te synoje shnderrimin e partise ne nje instrument demokratik te pjesemarrjes se qytetareve ne qeverisje gjate gjithe periudhes se ushtrimit te mandatit.
Zerat kritike ne cdo rast te ruajne etiken dhe te sigurojne vetepermbajtje konstruktive ne menyre qe te mos u lene hapesire te korruptuarve te mbajne flamurin e parimit te unitetit.
PS i ka te gjitha energjite, pervojen dhe mencurine qe te vetekorigjohet ne cdo aspekt, te ece perpara ne nje qeverisje te suksesshme qe realizon me merite integrimin europian te vendit dhe qe sfidon nje opozite mjerane prapakthimi ne perballjet e ardhshme elektorale.

"PS duhet të vetëkorrigjohet", ish-deputeti socialist i del

Të fundit