Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

Ditari i Maxhorancës

"Jetoj në apartament me qira të kohës së Enverit", Karçanaj 'deklaron' pasurinë; tregon raportet me Ergys Agasin

Politiko 14 Maj 2026, 22:45

"Jetoj në apartament me qira të kohës së Enverit",

Ish-drejtoresha e AKSHI-t, Mirlinda Karçanaj, ka folur për herë të parë lidhur me akuzat ndaj saj dhe tek njohja me Ergys Agasin.

E ftuar në Top Chanel, Karçanaj deklaroi se “Agasin e ka njohur kur ka qenë funksionar në administratë”, teksa shtoi se ka pasur marrëdhënie korrekte. 

“Agasin e kam njohur kur ka qenë funksionar në administratë, ka qenë marrëdhënie korrekte, si me të gjithë punonjësit e tjerë. Në administratë është e detyrueshme të kesh kontakte, por këto kontakte nuk shndërrohen as në marrëdhënie personale, as shoqërore, aq më shumë penale. Unë po flisja për mënyrën sesi është trajtuar çështja në media. Unë mendoj se Çezarit duhet t’i jepet ajo që i takon Çezarit. I takon akuzës të hetojë në mënyrë të plotë, duke analizuar të gjitha provat dhe dokumentet, më pas të dalë në përfundime”, u shpreh ajo.

Ndër të tjera, Karçanaj ka folur edhe për pasuritë që zotëron. 

“Dua të shtoj se zor që mund të provoj ndjesi më të keqe dhe poshtëruese se momenti i sekuestrimit. Unë kam fiks 30 vite që punoj. 6 vite si pedagoge, më pas kam emigruar në Kanada, nuk kam ikur atje për të prishur lekët e prindërve. Kam punuar në profesion duke dalë nga shtëpia në 7 të mëngjesit dhe kthehesha në 8 në shtëpi. Aty kam qenë e mirëpaguar. Më pas u ktheva dhe kam punuar pedagoge. Kam punuar 12 vite në AKSH. Çdo gjë që kam të deklaruar e kam të deklaruar prej një jete.

Çdo e ardhur e imja është brenda sistemit e deklaruar. Nuk ka asnjë qindarkë të fshehur. Unë aktualisht jetoj në një shtëpi me qira, deri në fund të 2024, jetoja në shtëpinë ku kam lindur, një apartament 64-vjeçar që i përket kohës së Enverit. 

Nuk ka lidhje me pronësinë time, e kam pasur një apartament me qira të zgjedhur pranë punës, AKSHI-t. Unë nuk drejtoj makinë, nuk kam makinë. Nuk zgjodha të shes pronën e mamasë por zgjodha atë apartament me qira. Për emergjencat e punës, unë kam zgjedhur që për 5 minuta të isha në AKSH. Është me kontratë tek noteri, çdo pagesë qiraje është bërë në bankë.

(Flet për banesën në Qerret) Ato që ju i quani disa prona në fakt janë pasuri të deklaruara, unë jam subjekt deklarimi së bashku me babain e fëmijëve të mi, që janë bërë që në momentin që janë blerë. Pronat e mia nuk kanë lidhje me titujt bombastikë. Unë zotëroj në Qerret një apartament 1+1,  60 metra/ katrorë, që e zotëron babai i fëmijëve të mi.

Unë e kam të rëndësishme të flas edhe për pronat e sekuestruara, unë jam fëmijë i vetëm, mamaja ime ka qenë mësuese ka punuar 30 vite, babai im ka qenë profesor matematike 50 vite dhe ataku në zemër i ka ndodhur duke dhënë mësim.

Unë nuk drejtoj makinë, unë nuk kam makinë. Bëhet fjalë për një Volkswagen Tiguan e 2016, e blerë 10 vite më parë që e përdor babai i fëmijëve të mi, sërish e deklaruar. Nuk bëhet fjalë për asnjë Porsche”, tha Karçanaj.

Të fundit