Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

E-TJERA

Masakër mjedisore në liqenin e Treganit në Elbasan. Ngordhje masive e peshqve nga shkarkimi i mbetjeve të fabrikës së ullirit

Politiko 18 Mars 2025, 21:56

Masakër mjedisore në liqenin e Treganit në Elbasan. Ngordhje

Edhe mbrëmjen e së martës emisioni Fiks Fare u fokusua në masakrën mjedisore që po ndodh në liqenin e Treganit në Elbasan.

Një fabrikë e përpunimit të ullirit mbetjet i derdh në liqen si rezultat ka shkaktuar ngordhjen masive të peshqve.
Tregani është pjesë e projektit të qeverisë për 100 fshatrat turistikë, për zhvillimin rural. Fiksi pa nga afër gjendjen e liqenit të Treganit i cili tashmë i ngjason më shumë një rezervuari uji të ndenjur. Në sipërfaqe të ujit shihen peshq të shumtë të ngordhur dhe mbetje të tjera plastike në të.

Dikur ky liqen ka qenë një atraksion turistik, por me këtë katastrofë dhe erë e rëndë që ndjehet afër tij edhe bizneset që dikur lulëzonin janë bosh. Një peshkatar sqaron se uji këtij liqeni është i pasur me shumë squfur gjë që i bënë mirë faunës së ujërave të ëmbla, si rrjedhojë liqeni ka pasur shumëllojshmëri peshqish. Ai tregon për Fiksin se edhe dy vite më parë në këtë liqen ka ndodhur e njëjta situatë.

“Dy vite më parë u kap në flagrancë një fabrikë e përpunimit të ullirit se derdhte mbetjet në liqen, u gjobit “tregon ai. Ndërkohë që ngordhja masive e peshqve shtrihet në një sipërfaqe të madhe të liqenit.

Menjëherë Fiksi iu drejtua Njësisë Administrative Tregan, ku administratorja Manjola Rexhepi u shpreh se njësia ishte vënë në dijeni nga banorët dhe ka lajmëruar policinë e shtetit, drejtorinë e mjedisit, bashkinë ku kanë inspektuar nga afër ndotjen në liqen.

“Kemi marrë kampion të ujit dhe presim analizat për të djegur dhe shkakun e kësaj ndotje masive” shprehet ajo. Administratorja pohoi gjithashtu që kushdo të jetë fajtori do të mbajë përgjegjësi penale, pasi sipas saj është bërë një kallëzim.

Fiksi ju drejtua edhe Agjencisë Rajonale të Mbrojtjes së Mjedisit Berat e cila u tregua e gatshme dhe dërgoi specialistët në liqen për të gjetur shkakun e ndotjes. Në fund të inspektimit mbrëmjen e djeshme, kjo drejtori doli me konkluzionin se dyshon se ndotja vjen nga aktiviteti i një fabrike të përpunimit të ullirit që ndodhet pranë liqenit.

Inspektorët e ARM gjatë ditës së djeshme mbyllën procedurën e inspektimit te kjo fabrikë që i përket zotit Ndriçim Kuqja, pasi sipas tyre ai mund të jetë potencialisht një subjekt që shkakton ndotje në liqen.

Këtij subjekti iu pezullua aktiviteti i shkarkimeve të ujërave teknologjik, deri në momentin e paraqitjes së analizave të ujërave që shkarkon me studio te licensuar apo akredituar.

Gjithashtu subjektit i është lënë detyrë që të bëj trajtimin parësor të ujërave që gjeneron duke ndërtuar gropat septike sipas kërkesave ligjore, detyrë e cila në rast se nuk plotësohet nga subjekti brenda 9 ditëve pune kalon me masë administrative gjobë 500,000 lekë. Top Channel

Të fundit