Flash News

Kërkesa e PS për shtyrjen e orarit të votimit në Vlorë, dështon mbledhja e KQZ

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

Shifrat/ Vlora, qarku me pjesëmarrjen më të ulët në votime

E-TJERA

Moderatorja e TCH: 10 minuta para sulmit u larguan kolegët e lajmeve, s’e imagjinoj dot masakrën që mund të ndodhte

Politiko 27 Mars 2023, 19:14

Moderatorja e TCH: 10 minuta para sulmit u larguan kolegët e lajmeve,

Gazetarja dhe moderatorja e Top Channel, Erjona Rusi ka reaguar përmes rrjeteve sociale lidhur me sulmin ndaj këtij televizioni, ku mbeti i vrarë roja Pal Kola.

Sipas Rusit, është e papranueshme që babai i tre fëmijëve që punonte për të fituar bujën e gojës nuk jeton më sepse u vra nga breshëria e plumbave drejtuar një televizioni kombëtar.

Ajo shton se ngjarja që tronditi vendin ka ndodhur vetëm 10-20 minuta përpara ndërsa dilnin nga puna kolegët e redaksisë së lajmeve pasi kishin përfunduar edicionin e mesnatës.

“Kolegët e Palit (ai vetë punonte gjatë natës) janë të parët me të cilët përshëndetem çdo ditë sapo mbërrij në punë, ndonjëherë shkëmbejme dhe batuta për makinat e parkuara keq, dhe po ashtu janë të fundit që ua bëj me dorë kur largohem. Askujt nuk ja kishte marrë mendja që sot njëri nga ata nuk do të kthehej gjallë në shtëpi. Ishte kaq e rëndë të shihje sot vendin ku punojmë çdo ditë të shndërruar një vendngjarje krimi.

Përtej çdo dyshimi, piste hetimi apo edhe teorie konspiracioni lidhur me këtë sulm, ajo çka është e rëndë dhe e papranueshme është që babai i tre fëmijëve që punonte për të fituar bujën e gojës nuk jeton më sepse u vra nga breshëria e plumbave drejtuar një televizioni kombëtar.

Nuk e imagjinoj dot çfarë masakre mund të kishte ndodhur nëse sulmi do kryhej vetëm 10-20 min përpara ndërsa dilnin nga puna kolegët e redaksisë së lajmeve pasi kishin përfunduar edicionin e mesnatës.

Dreqi ta hajë, edhe në luftë gazetarët nuk preken.

Por ky sulm dhe vrasja e Pal Kolës tregon edhe një herë sa pak vlerë ka jeta në Shqipëri e se krimi nuk kursen më askënd në këtë vend”, shkruan Rusi.

 

 

Të fundit