Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

Kosova

Sulmi në Banjskë, dy dënime të përjetshme për sulmin terrorist, njëri 30 vjet

Politiko 24 Prill 2026, 15:48

Sulmi në Banjskë, dy dënime të përjetshme për

Gjykata Themelore në Prishtinë ka dhënë vendimin përfundimtar ndaj të akuzuarve për sulmin terrorist në Banjskë.

Pas më shumë se dy vitesh e gjysmë nga ngjarja, Vlladimir Tolliq dhe Bllagoje Spasojeviq janë dënuar me burgim të përjetshëm, ndërsa Dushan Maksimoviq është dënuar me 30 vite burg.

Nga sulmi i ndodhur në shtator të vitit 2023 humbi jetën rreshteri i policisë, 50-vjeçari nga Vushtrria, Afrim Bunjaku.

Gjatë sulmit mbeti i plagosur edhe efektivi Alban Rashiti, ndërsa u lënduan Çlirim Shaqiri, Mirsad Kryeziu dhe Sedat Dushi.

Përveç tre të dënuarve, Prokuroria Speciale e Kosovës më 11 shtator ka ngritur aktakuzë në mungesë edhe ndaj 42 personave të tjerë, mes tyre edhe ndaj Milan Radoiçiq, i konsideruar si organizatori kryesor i sulmit, për të cilin Serbia nuk ka pranuar ta dorëzojë.

Më herët, Prokuroria kishte kërkuar që edhe të akuzuarit e tjerë të gjykoheshin në mungesë, por kjo kërkesë u rrëzua nga Gjykata Themelore e Prishtinës si e pabazuar.

 

Të fundit