Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 30 Qershor 2020, 08:09
Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

█Ambasadorja e SHBA, Yuri Kim ka përcjellë një mesazh të fortë dhe të qartë për qeverinë dhe klasën politike shqiptare sa i takon klimës së biznesit: Shqiptarët të lodhur nga politika, duan rezultate e jo lojëra faji mes palësh;

E lidhur: Kreu i Dhomës Amerikane të Tregtisë, Enio Jaçe thekson se klima e biznesit në Shqipëri është përkeqësuar, si dhe ka shënuar rënien më të madhe të indikatorëve në tetë vitet e fundit.

Tabaku: Situata u përkeqësua në 7 vjet, duhet ndryshim përmes një politike të re fiskale

█58 viktima në total dhe 64 të prekur me covid-19 në Shqipëri, intubohet mjeku i QSUT; Thirrja e Metës: Duhet strategji konkrete, jo sporadike dhe mediatike

█Prej 1 korrikut, ndryshe ng BE, Greqia ka vendosur të hapë kufijtë tokësor më Shqipërinë, pas mbylljes për shkak të pandemisë covid-19.

█I doli në krah për ‘anti-shpifjen, Rama ‘shpërblen’ Harlem Desir me rinovim mandati në OSBE; përplasja me Azerbajxhanin.

█‘Arrest me burg’ për të dashurën e Hekuran Billës, e cila akuzohet se nxori në pritë 40-vjeçarin që u vra për gjakmarrje. 26-vjeçarja mohon përfshirjen në vrasje: Isha e lidhur me viktimën dhe Sebastian Malin

Avokati: Masa e dhënë, nga ‘helmimi’ për shkak të opinionit publik

■ Breshëri plumbash në drejtim të kushëririt të deputetit Luan Harusha, Fatjon Harusha. Mësohet se, kushëriri i deputetit të Partisë Socialiste në Shkodër ka qenë shënjestër e një atentati nga i cili fatmirësisht nuk pati të lënduar.

■ Gjykata ka dhënë masën arrest me burg për Ilir Xhepajn, i dyshuar si bashkëpunëtori i Eduart Lamajt për vrasjen e 2-fishtë të 30 majit në Laç. Xhepaj, i cili ishte në kërkim për vrasjen e dy biznesmenëve- Bujar Lika Hasani dhe Paulin Gjergji Marku- në Laç.

■ “Nëse nuk filloni nga puna, humbisni licencën”, ka qenë ky paralajmërimi i kryetarit të Bashkisë së Tiranës, Erion Veliaj për kompanitë e transportit urban, ndërsa thekson se ato nuk mund të mbajnë "peng" kryeqytetin.

■ Djali i madh i ish-diktatorit Enver Hoxha, Ilir Hoxha i ka dërguar një letër të hapur kryeministrit Edi Rama pas shembjes së banesës ku jetoi për më shumë se 26 vite Nexhmije Hoxha, për shkak të punimeve që po kryhen tek Unaza e Re në Tiranë.

■ Kreu i Dhomës së Tregtisë, Nikolin Jaka është konfirmuar pozitiv me COVID-19. Mësohet se, Jaka është shtruar në spitalin Infektiv që prej paradites së të dielës, ndërsa ndodhet nën kujdesin e mjekëve, në gjendje të mirë shëndetësore.

■ Kryeministri Rama ndodhet në Kosovë pas situatës së krijuar me akt-akuzën e Prokurorisë së Posaçme ndaj ish-krerëve të UÇK-së. Rama ka zhvilluar takime me kryeministrin Hoti, kryeparlamentaren Osmani, kreun e Nismës, Fatmir Limaj, VV, Albin Kurti; PDK-së, Veselin dhe PresidentinThaçi.

■ Presidenti Thaçi, ka reaguar për herë të parë pas akt-akuzës për krime lufte nga Prokuroria Speciale e Hagës. Ne një fjalim te ndjerë dhe plot mesazhe, ai ka theksuar se nuk është përgjegjës për krime lufte, dhe është ndalur edhe te koha e kësaj akt-akuze; pak para takimit të 27 qershorit në Uashington.

Thaçi tha se nëse akuzat vërtetohen do të japë dorëheqjen.

■Ministria e Shëndetësisë ka pergenjeshtruar lajmin se mjeku Arjan Pushi, ka ndërruar jetë te Spitali Infektiv. Lajmi u publikua në disa media, pas një postimi në Facebook të një të afërmi të mjekut që njoftonte se ai ka ndërruar jetë.

■ Ministrja e Shëndetësisë Ogerta Manastirliu reagoi pas akuzave të Partisë Demokratike që thotë se QSUT është kthyer në një vatër të nxehtë të përhapjes së virusit.

■ Ambasada greke në Tiranë ka sqaruar nëse shqiptarët do të mund të hyjnë lirisht në Greqi pas datës 1 korrik, ashtu siç u lajmërua sot në media.

 

Të fundit