Akademiku Fuga: Ju tregoj rrenat për themelimin e PS, e vërteta do të dalë

Akademiku Artan Fuga ka treguar të vërteta interesante në lidhje me themelimin e Partisë Socialiste.  Ai ka prova se ata persona të cilët vendosën krijimin e kësaj partie, pa interes, por në të mirë të kombit dhe të vlerave të së majtës, nuk janë fare sot pjesë e saj.

Madje një pjesë e tyre që ishin kundërshtarë, tani bëjnë më socialistë se socialistët vazhdon ai. Fuga në një status në Facebook tregon se pavarësisht mashtrimit nga disa figurat aktuale të PS, e vërteta dot ë dalë në shesh.

Statusi

Thonë që është përvjetori i themelimit të partisë socialiste!

Urime!

Por, unë i di ku janë të gjitha provat dhe dokumentet, si edhe njerëzit, që vërtetojnë se ata që e themeluan partinë socialiste në të vërtetë, që përpunuan vlerat demokratike të një të majte demokratike për t’i vendosur në statutin e partisë, ata që vepruan kështu pa interes, por në të mirë të kombit dhe të vlerave të së majtës, nuk janë asfare:

ata që urojnë për këtë përvjetor,

ata që shkojnë nëpër pritje me ndonjë gotë birre a coca – cola në dorë,

ata që tregojnë kujtime krejt rrenacake!

Si cdo origjinë edhe këtë e kanë mbuluar gërmadha e gënjeshtrave zyrtare!

Madje një pjesë e atyre që hiqen si veteranë tani ishin kundërshtarë të egër të këtij rithemelimi!

Të tjerë që gufmosen as nuk ishin fare në aktivitet politik dhe kishin frikë të dilnin nga shtëpia!

Të tjerë si shën Pjetri e kishin mohuar tre herë para se të këndonte gjeli të majtën!

Të tjerë as nuk dinin fare se çfarë bëhej ndonëse luftonin në llogore ultrakonservatore!

Ca e kapën programin e ri dhe e kthyen ps që duhej të lindëte me shumë vëshirësi e pastrime në një vegël pushteti me mbetje punisto – totalitare!

Tani që ps është në pushtetë hiqen si familje dëshmori!

Kur të mos jetë përsëri: Unë themelues, çfarë ke me mua o vllai!

Do të dali e vërteta do të dali!