Bylykbashi: Provat që 30 qershori u manipulua, si e rritën komisionerët pjesmarrjen (Tabelat)

Ish deputeti i Partisë Demokratike, Oerd Bylykbashi, ka publikuar prova që tregojnë se zgjedhjet e 30 qershorit kanë qenë të manipuluara.

Ai ka deklaruar se komisionerët e PS-së kanë shkelje të llojeve të ndryshme, që nga rrija e pjesëmarrjes deri në manipulimin e numërimit të votave.  Bylykbashi ka publikuar një sërë të dhënash nga numërimi i votave në qarqe të ndryshme që sipas tij janë bërë manipulime.

Gjithashtu, ish deputeti i PD-së ka shprehur shqetësimin për mosnisjen e hetimeve për këtë çështje nga Prokuroria.

“Këto janë shkelje të angazhimeve themelore. Në mënyrë të veçantë OSBE-ODIHR ndalet edhe presioni në zgjedhje. Shantazhe deri edhe me largimin nga vendi i punës. tashmë siç thotë edhe raporti zgjedhjeve u ishte dhënë vetëm një mundësi që zgjedhësit kanë qenë te detyruar të marrin pjesë në votime. Votimin e organizoi e vetme qeveria. KQZ ka manipuluar në mënyrë të vazhdueshme pjesëmarrjen në votime. Pjesëmarrja në votime. Në kemi siguruar prova me video, ku rezulton se anëtarët e KQZ-së kanë manipuluar shifrat.

Kemi parë shkelje të llojeve të ndryshme. Siç do të shikoni në këto foto ka pasur fletë votimi pa vula. Janë mbushur fletë votimi nga komisionerët e PS-së. Deri më sot nga Arta Marku nuk ka asnjë hetim të nisur. Nuk është marrë asnjë veprim që të dalin para drejtësisë këta persona. Ne kemi këtu sot edhe procesverbalet e disa KZAZ-ve që kanë nxjerrë numra të manipuluara të rezultateve”, tha Bylykbashki.