Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

Ditari i Opozitës

Berisha pas takimit me Komisionin e Venecias: Qeveria përdori buxhetin në fushatë, financimi 2.700 herë më i lartë se PD

Politiko 29 Maj 2026, 10:23

Berisha pas takimit me Komisionin e Venecias: Qeveria përdori buxhetin

Kryetari i Partisë Demokratike, Sali Berisha, ka folur pas takimit me përfaqësuesit e Komisionit të Venecias, ku u diskutuan çështje që lidhen me reformën zgjedhore dhe institucionet e administrimit të procesit zgjedhor.

Berisha tha se në këtë takim u diskutua ligji për financimin e partive dhe se opozita ka paraqitur shqetësime mbi pabarazitë në përdorimin e fondeve publike gjatë fushatave zgjedhore.

“Përfaqësuesit e Komisionit të Venecias kanë ardhur dhe ne ishim në një takim me ta, në të cilin kërkojmë mendime dhe opinione të forcave politike para se ata të shprehin rekomandimet dhe opinionet e tyre për ligjin e financimit të partive.  Në këtë takim theksuam, bashkë me bashkëpunëtorët e mi, theksuam se çështja e financimit të partive është çështja më themelore e procesit zgjedhor. Konkretisht me fakte provuam se në këto zgjedhje në rrafshin e financimit nga paratë e buxhetit, diferenca mes dy partive kryesore, Partisë Demokratike dhe partisë në qeveri, ka qenë minimumi 700 deri në 1 mijë herë. Diferenca e financimit me paratë e buxhetit, midis dy forcave kryesore politike, shkon nga 700 në 1 mijë herë”, deklaroi Berisha.

Berisha deklaroi se partia në pushtet ka vepruar jashtë përcaktimeve ligjore për financimin e partive, duke organizuar gjatë fushatës aktivitete me kosto që varionin nga disa qindra euro deri në miliona euro, të financuara nga buxheti i shtetit.

“Duke përjashtuar totalisht atë çka ligji përcakton për financimin e këtyre partive, jashtë përcaktimit ligjor, partia në pushtet organizoi në kohën e ndaluar nga ligji, 4530 ngjarje me një kosto nga disa qindra euro në 7 milionë euro, para buxheti siç ishte ‘Giro D’Italia’, një ditë para zgjedhjeve dhe ditën e zgjedhjeve.

Një organizatë private e cila u kontraktua nga Edi Rama për ndikuar tek zgjedhësit. Këto 4530 aktiviteteve nuk janë tek 2.7 miliardëshi.  Nëse e thashë 700 gabova, është të paktën 2700 sepse janë para buxheti këto.

Së dyti, iu dha çdo pensionisti iu dha 100 euro dhuratë në fushatë elektorale, para buxheti, dhuratë për votë. U falën dy ditë para zgjedhjeve, para që do të shkonin në buxhet, 2 miliard e 100 milionë euro. Me impakt në mbi 2300 familje, me impakt 84 mijë biznese aktive”, tha Berisha.

Të fundit