Flash News

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Nga arka te thesi me para, pamjet filmike zbulojnë lëvizjet e ish-shefes së financës në Postën e Durrësit

Atentati në Elbasan, dyshohet se objektivi ishte nipi i “Ot Kilës”

Berisha akuza të forta Ramës: Transportoi para me avionin privat, do rikthejmë kërkesën për komision hetimor

‘Po zbrazet vendi’, sondazhi i IRI godet qeverinë: Emigrimi dështimi numër një, pas tij korrupsioni dhe çmimet

E-TJERA

‘Je i shëmtuar, nuk ke të drejtë të shkosh në festë’/ A është nxitje bullizmi ky tekst i abetares në shkollat shqiptare?  

Politiko 3 March 2021, 17:48

‘Je i shëmtuar, nuk ke të drejtë të shkosh në

Shpesh, tekstet shkollore janë kthyer në objekt debati për cilësinë e tyre, gabimeve apo mesazhet që ata përcjellin të nxënësit.

Një prej tyre duket se ka shqetësuar prindër të fëmijëve të klasave të para. Siç duket në foton e mëposhtme, tregimi që ilustron shkronjën ‘G, g’, flet për një kafshë, në këtë rast gomarin, që përjashtohet nga kafshët e tjera vetëm se është i shëmtuar, nëse i referohemi tekstit të abetares së klasës së parë.

‘Je i shëmtuar, nuk ke të drejtë të shkosh në

Për më tepër, sipas tekstit, gomari që të ndihet i lumtur, detyrohet të vendosë një maskë që të mos njihet nga kafshët e tjera.

Por cila është fabula që përfton një nxënës i moshës 6-7 vjeç nga ky tregim dhe a është në vetvete një nxitje e pastër bullizmi, përmes së cilës çdokush kupton se nëse dikush e cilëson të shëmtuar një person tjetër, nuk ka të drejtë të marrë pjesë në një festë njësoj si të tjerët dhe për të tepër duhet të maskohet e të mos jetë vetvetja.  

Çfarë është bullizmi?

Bullizëm janë sjelljet e përsëritura, të dëmshme e agresive ndërmjet personave që ndryshojnë në nivelin e tyre të forcës dhe mund të jenë si fizike, ashtu edhe psikologjike. Ato përfshijnë goditjet, rrahjet, ngacmimet verbale, gjestet fyese, përjashtimin ose thjesht presionin për t’iu përshtatur atyre që dëshiron apo thotë bullisti.

Bullizmi ka efekte negative në shëndetin psikologjik të fëmijëve të vegjël, por ai nuk ndikon vetëm viktimat. Edhe bullistët janë të rrezikuar. Studimet tregojnë se, ata që kanë ushtruar bullizëm në fëmijëri, janë të prirur drejt alkoolit dhe drogës, abuzojnë me partnerët e tyre, përfshihen në aktivitete kriminale dhe kanë marrëdhënie negative me shokët.

Prandaj,sipas ekspertëve, institucionet parashkollore, prindërit dhe grupet e komunitetit duhet të punojnë së bashku për të luftuar bullizmin, pasi ky fenomen mund të jetë shkatërrues për vetëvlerësimin e fëmijës dhe kjo ndoshta duke bërë edhe një rishikim të teksteve shkollore që në startin e tij, abetaren. 

Të fundit