Flash News

U procedua penalisht, reagon Flamur Noka: Preka interesat e mafies së pushtetit në Vorë

Kërkesa e PS për shtyrjen e orarit të votimit në Vlorë, dështon mbledhja e KQZ

Konflikti në Fushë-Milot, policia del me njoftim: Nuk u gjet asnjë gëzhojë

Përplasja në KZAZ Vorë, KQZ revokon akreditimin e vëzhguesve

Sherr në një qendër votimi në Fushë-Milot, qëllohet me armë

E-TJERA

Shoqata e Transportit letër bashkisë: Aboneja e studentit po na falimenton, kërkojmë kompensimin e plotë

Politiko 24 Mars 2023, 10:13

Shoqata e Transportit letër bashkisë: Aboneja e studentit po na

Shoqata e Transportit publik të Tiranës i ka dërguar një letër bashkisë lidur me problematikat me të cilat sektori po ndeshet.

Sipas kreut të Shoqatës Kombëtare të Transportit Qytetas Kostandin Foni për “Monitor”, numri i pasagjerëve ka rënë me 35% krahasuar me vjet, dhe një ndër arsyet sipas tij është emigracioni i lartë, kryesisht i të rinjve.

Për operatorët e linjave urbane, shqetësim mbetet edhe humbjet që iu janë shkaktuar mungesa e kompensimit të plotë të abonesë për studentët.

Në letrën “Ankesë për mungesën e kompensimit të abonesë së studentit” dërguar bashkisë së Tiranës Shoqatës Kombëtare të Transportit Qytetas thotë se mos kompensimi çdo muaj po shkakton dëme financiare dhe rënie 35% të shitjeve të biletave.

"Pavarësisht faktit se nuk kemi qenë dakord me aplikimin e kësaj nisme në mënyrë kaq të shpejtë dhe urgjente, pavarësisht se jemi ndjerë “të detyruar” ta zbatojmë atë, ne kemi respektuar çdo kërkesë tuajën. Gjendur në këto kushte kërkojmë që kompensimi të kryhet në çdo kohë, për çdo muaj, duke mos na shkaktuar, më dëme financiare që po çojnë gjithnjë e më tepër drejt falimentit.

Shpërndarja falas e aboneve të studentit ka rritur kostot tona financiare, ka ulur ndjeshëm në masën 35% shitjet e biletave të tjera dhe ka shkaktuar gjendje të vështirë ekonomike-financiare në kryerjen me eficencë të shërbimit. Duke shtuar faktin se kjo nismë, tashmë po vazhdon është aplikuar, duke mos realizuar kompensimin sipas ligjit për çdo muaj, ju po vazhdoni të rëndoni gjendjen tonë financiare, duke krijuar pamundësi në realizimin e shërbimit me eficencë dhe cilësi", thuhet në letër.

Shoqata kombëtare e Transportit Qytetas i ka dërguar edhe një kërkesë bashkisë për realizimin e premtimeve, si: Rimbursimin e vlerës për abonenë e studentit nga 600 lekë në 1,600 lekë bazuar në kushtet aktuale dhe ndikimit të nismës “Abone studenti falas”; Rimbursimin e akcizës së karburantit bazuar në konsumin e deklaruar sipas raportimit në Drejtorinë e Përgjithshme të Tatimeve dhe pranë Drejtorisë së transportit në Bashkinë Tiranë nga secili operator i transportit publik qytetas; Rimbursimi i TVSH-së në shitje për biletat dhe abonetë.

Të fundit