Mediat e çuan te Napoli, Reja mbledh trajnerët e përfaqësuesve kuqezi

Trajneri i kombëtares shqiptare, Edy Reja, ka organizuar një takim trajnerët e ekipeve përfaqësuese kuqezi të të gjitha niveleve. Ky takim është organizuar në kryeqytet.

Italiani së fundmi është përfolur se mund të pasojë trajnerin Carlo Ancelotti te Napoli, por ai po vijon normalisht punën. Me pak fjalë, projekti i tij me presidentin Armand Duka do të vazhdojë, edhe pse deri tani nuk ka të dhëna për një kontratë të firmosur.

Marrëveshje e re, ende verbale, mes tyre përfshin 4 vite, pra edicionin e ardhshëm të Ligës së Kombeve dhe kualifikueseve të Botërorit 2022. Duke folur për Radio “Kiss Kiss” në Itali, Reja u shpreh se nuk e lidh asgjë me Napolin.