Shkon në 10 numri i viktimave nga Covid-19 në Shqipëri.
Ministria e Shëndetësisë njofton se këtë mëngjes ndërroi jetë në spitalin Infektiv një pacient 67-vjeçar nga Tirana, i konfirmuar me COVID-19.
“67-vjeçari me inicialet Ll. N. ishte prej 10 ditësh i sëmurë dhe po trajtohej prej katër ditësh në terapi intensive në gjendje të rënduar, i intubuar. Pavarësisht përpjekjeve të stafit mjekësor, pacienti që vuante nga hipertensioni, nuk arriti të mbijetojë. 67-vjeçari është viktima e dhjetë e prekur nga COVID-19 në Shqipëri”, sqaron MSH.
Mbrëmjen e djeshme ndërroi jetë edhe një paciente nga Vlora, me inicialet L. M., e shtruar prej 4 ditësh në spitalin infektiv dhe në dy ditët e fundit në terapi intensive në gjendje të rëndë.
Sipas MSH, pacientja që rezultonte në kartelën e spitalit infektiv në moshën 52 vjeçare, sikundër u raportua mbrëmjen e djeshme, pas verifikimeve me gjendjen civile, është 72-vjeçare.
Financuar Nga Bashkimi Europian
