Pas vendimit të ministres së Arsimit, Besa Shahini për pezullimin e rektorit të Universitetit të Tiranës, Mynyr Koni, 4 dekanët e fakulteteve kanë dalë në një deklaratë për media.
Ata shprehen se vendimi është efiçent dhe zëvendësimi i tij do t’i hapë rrugë funksionimit pozitiv të Universitetit.
“Vendimi i ministres së Arsimit, ishte efiçent. Tani universiteti do të funksionojë pozitivisht. Shkeljet e bëra nga Rektorati nuk mund të justifikohen. Drejtimi i Universitetit të Tiranës është bërë pa zbatuar detyrat.
Vështirësi nga mentaliteti i vjetër i drejtimit. Situata e zgjidhjes është vonuar shumë. Konstatimet e shkeljes së ligjit janë bërë dhe nga institucione të tjera si KLSH. U desh dhe protesta e studentëve që t’i jepte impakt pozitiv zgjidhjes së këtij problemi”- është shprehur dekani Dhori Kule.
Sot, ministrja e Arsimit Besa Shahini në vend të Konit komandoi Bernard Dostin. Dosti më herët mbante postin e zv/Rektorit të Universitetit të Tiranës.
Financuar Nga Bashkimi Europian
