Flash News

Ishte dënuar për vr*sje, ndërron jetë 52-vjeçari në Burgun e Fierit

Sprinti i Agronit në Maratonën e banditëve

'Rrëmbeu' me forcë marrëveshjen me SHBA-në, Agron Shehaj pezullohet 60 ditë nga Kuvendi

Mashtrimi i ri në WhatsApp, policia apel qytetarëve: Mos jepni kodin 6-shifror

Përfshihen në aksident 4 automjete në hyrje të Elbasanit

E-TJERA

'Rrëmbeu' me forcë marrëveshjen me SHBA-në, Agron Shehaj pezullohet 60 ditë nga Kuvendi

Politiko 28 July 2026, 11:22

agron-shehaj_sd.jpg

Kreu i Partisë Mundësia, Agron Shehaj është pezulluar për 60 ditë nga pjesëmarrja në seancat plenare dhe mbledhjet e komisioneve parlamentare, me vendim të Sekretariatit për Procedurat, Votimet dhe Etikën në Kuvend.

Masa disiplinore është marrë pas kërkesës së Partisë Socialiste, e cila e akuzon deputetin për incidentin e ndodhur dje në ambientet e Kuvendit, i cili mor me forcë dokumentin gjatë shqyrtimit të marrëveshjes së huasë direkte mes Shqipërisë dhe Shteteve të Bashkuara të Amerikës, në kuadër të financimit të jashtëm ushtarak.

Vendimi u mor pas një votimi me 3 vota pro dhe 3 kundër, ndërsa shumica parlamentare votoi në favor të masës disiplinore ndaj Shehajt.

Sipas socialistëve, dokumenti i marrëveshjes përmbante informacion të klasifikuar dhe mund të konsultohej vetëm në ambientet e përcaktuara nga Kuvendi, pasi deputetët të kishin nënshkruar deklaratën e konfidencialitetit.

Po sipas kërkesës, një këshilltare e Kuvendit që tentoi të rimerrte dokumentin është rrëzuar në shkallë gjatë ndjekjes së deputetit dhe ka pësuar dëmtime.

Përveç pezullimit 60-ditor nga aktiviteti parlamentar, socialistët kanë kërkuar edhe referimin e çështjes në Prokurorinë e Posaçme,  pasi sipas tyre veprimet e Shehajt mund të përbëjnë vepra penale që lidhen me marrjen e paligjshme të informacionit të klasifikuar, përvetësimin e dokumenteve, pengimin e detyrës së funksionarëve publikë dhe shkeljen e rregullave për mbrojtjen e sekretit shtetëror.

Nga ana tjetër, Agron Shehaj i ka mohuar akuzat  dhe ka deklaruar se veprimet e tij kishin për qëllim denoncimin e mungesës së transparencës lidhur me dokumentacionin e marrëveshjes. 

Të fundit