Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

KRYESORE

"Turqia do t'i zgjidhë mosmarrëveshjet për naftën me Greqinë përmes dialogut", Ministri i Brendshëm turk: Do i mbrojmë interesat tona

Politiko 12 Gusht 2020, 21:57
"Turqia do t'i zgjidhë mosmarrëveshjet për naftën

“Turqia dëshiron të zgjidhë mosmarrëveshjen me Greqinë rreth kërkimit të energjisë në Mesdheun lindor përmes dialogut”, kështu është shprehur për mediat Ministri i Mbrojtjes, Hulusi Akar, këtë të mërkurë. Megjithatë, Akar shtoi se Ankaraja do t’i mbrojë "të drejtat dhe interesat" e saj në rajon.

Turqia dhe Greqia, aleatët e NATO-s, kanë pasur shumë përplasje rreth pretendimeve për burimet hidrokarbure në rajon. Madje tensionet filluan të rriteshin edhe më tepër që kur Ankaraja filloi operacionet e kërkimit në një zonë të diskutueshme të Mesdheut të hënën.

Greqia thotë se anija eksploruese e Turqisë, Oruc Reis, po operon në mënyrë të paligjshme në ujërat që bien në raftin kontinental të Greqisë, akuza të cilat Ankesa i ka hedhur poshtë. Anija shoqërohej nga anijet luftarake turke që pas lënies së portit.

"Pavarësisht gjithë kësaj, ne duam të besojmë se sensi i përbashkët do të mbizotërojë. Si në terren, ashtu edhe në tryezë, ne jemi në krah të ligjit ndërkombëtar për fqinjësi të mirë dhe dialog", tha për Reuters Ministri i Brendshëm turk, duke shtuar se: "Ne duam të arrijmë zgjidhje politike përmes mjeteve paqësore në përputhje me ligjet ndërkombëtare."

Akar tha se Turqia do të vazhdojë të mbrojë "të drejtat, lidhjet dhe interesat" e saj në ujërat bregdetare. “Duhet të dihet se detet tona janë atdheu ynë blu. Çdo pikë uji është e vlefshme", tha ai.

Të fundit