Flash News

Stuhia shkakton të lënduar në Sarandë, humb jetën një punonjës i OSHEE-së gjatë riparimit të rrjetit elektrik

Stuhia godet edhe Shqipërinë, era e fortë boshatis Lungomaren në Vlorë

Sekuestrohen 770 kg k*kainë në Itali, shumica e paketimeve me flamur serb

“Rama ik”, protestuesit mblidhen sërish në Tiranë pas 52 ditësh qëndresë

Zjarr pranë banesave në Elbasan, shpërthime gjatë ndërhyrjes së zjarrfikësve

E-TJERA

Zjarr në landfillin e mbetjeve, tymi toksik pushton Fushë-Krujën

Politiko 22 July 2026, 08:39

Edhe pse reshjet e shiut kanë ndihmuar në shuarjen e flakëve në malin e mbetjeve në fshatin Halil të Fushë-Krujës, zjarri nuk është neutralizuar plotësisht. Sipas informacioneve nga terreni, vatra vazhdon të jetë aktive në shtresat e brendshme të mbetjeve, duke prodhuar sasi të mëdha tymi toksik.

Gjatë gjithë natës, në zonë kanë operuar forcat zjarrfikëse të Krujës, të mbështetura nga shërbimi zjarrfikës i Institutit, në përpjekje për të izoluar zjarrin dhe për të parandaluar përhapjen e tij.

Në orët në vijim pritet të ndërhyhet me mjete të rënda, konkretisht fadroma, për të mbuluar vatrën me dhe. Kjo metodë konsiderohet më efektivja për shuarjen e zjarreve në grumbuj mbetjesh, pasi ndalon furnizimin me oksigjen të vatrës.

Situata bëhet edhe më shqetësuese për shkak të afërsisë së zjarrit me depozitën që furnizon me ujë të pijshëm Fushë-Krujën dhe disa fshatra përreth, çka ka ngritur shqetësime për një rrezik të mundshëm ndaj infrastrukturës dhe mjedisit.

Ndërkohë, tymi i dendur është përhapur në një zonë të gjerë, duke prekur Fushë-Krujën, Krujën, Kamzën dhe deri në Thumanë, në varësi të drejtimit të erës.

Të fundit