Flash News

Stuhia godet edhe Shqipërinë, era e fortë boshatis Lungomaren në Vlorë

Sekuestrohen 770 kg k*kainë në Itali, shumica e paketimeve me flamur serb

“Rama ik”, protestuesit mblidhen sërish në Tiranë pas 52 ditësh qëndresë

Zjarr pranë banesave në Elbasan, shpërthime gjatë ndërhyrjes së zjarrfikësve

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Ditari i Opozitës

Deputetja ironizon vizitën e Ramës në Theth: Shkoi tinëz me helikopter, iu shmang banorëve

Politiko 21 July 2026, 22:10

-640-0-1784649395xscreenshot-2026-07-21-151444-881.png

Deputetja e Partisë Demokratike për qarkun e Shkodrës, Greta Bardeli, ka reaguar pas vizitës së kryeministrit Edi Rama në Theth, ku prezantoi "Paketën e Maleve".

Në rrjetet sociale, Bardeli e akuzon kreun e qeverisë se shmangu përballjen me banorët e zonës.

Ajo shkruan se vizita u zhvillua nën masa të forta sigurie dhe pa transparencë, ndërsa thekson se banorët nuk kanë harruar përplasjet e mëparshme për prishjen e ndërtimeve në Theth.

Reagimi i deputetes Bardeli: 

A patë sot kryeministrin që shkon tinzash me helikopter në Theth? 
E që urdhëron shkëputjen e sinjalit mobile për orë të tëra, kur ndodhej i izoluar me një grup të përzgjedhurish, njoftuar sot në mëngjes për me i bërë fresk, paketës së lëngimit.

Nuk ta falin ata banorë që sot iu shmange e u shkove si tinzar. 
E ndërsa ike nga qielli, ta kishin ditë do të kishin ardhë përballë, por në fakt s'do të kishe shkuar ti në takim me ta, sepse nuk do ta mbante, të përballeshe me realitetin e hidhur. S'ke ç'i bën, je goxha trim me gardën e republikës, se kur ke qenë vetëm, s'ta mbante dot jo. 

Të fala pra gardës, policisë së shtetit sa të jesh në atë karrige. Ne kemi bërë dhe bëjmë pa to. Dhe do të flasim për tokën e të parëve sa të kemi frymë. 
Është amanet! Po ku di gjë ti se ç'është amaneti i malësisë!/

Të fundit