Flash News

Të shtëna me armë në një lokal në Elbasan, plagoset kamarieri

Eurodeputeti paralajmëron Ramën: BE po i ndjek paratë, do të ketë pasoja

Zjarr përgjatë autostradës Fier–Vlorë, vështirësohet qarkullimi i automjeteve

I dënuar për drogë, arrestohet pas 14 vitesh shqiptari në Itali

Instituti i Gjeoshkencave: E marta pritet të jetë kritike, këto janë 9 qarqet e rrezikuara

Ditari i Opozitës

Do të raportonte në Kuvend, opozita përzë Avokatin e Popullit: Është ushtar i Edi Ramës

Politiko 20 July 2026, 15:17

WhatsApp-Image-2026-07-20-at-15.10.31-2.jpeg

Vijon me debate seanca plenare e kësaj të enjteje.

Opozita kundërshtoi raportimin vjetor të Avokatit të Popullit, Endrit Shabani, për veprimtarinë e institucionit gjatë vitit 2025.

Momenti kur drejtuesi i seancës e ftoi Shabanin të merrte fjalën ndezi reagimin e kreut të Grupit Parlamentar të Partisë Demokratike, Gazment Bardhi, i cili kërkoi procedurë dhe e cilësoi praninë e tij në Kuvend si të papranueshme.

Bardhi deklaroi se zgjedhja e Shabanit në krye të institucionit është bërë në kundërshtim me Kushtetutën dhe theksoi se çështja ndodhet në shqyrtim në Gjykatën Kushtetuese, ndaj, sipas tij, Shabani nuk mund të paraqitet në Kuvend si Avokat i Popullit.

Gjatë fjalës së tij, Bardhi e akuzoi Shabanin se nuk ka reaguar për çështjet që prekin të drejtat e qytetarëve dhe se është sjellë si "ushtar i Partisë Socialiste", duke kërkuar largimin e tij nga salla e seancave plenare.

Bardhi: Zoti Kryetar, ju nuk mund ta provokoni opozitën duke sjellë për të raportuar në këtë seancë një njeri që është zgjedhur në kundërshtim flagrant me Kushtetutën, në një pozicion kushtetues që do duhet apo presupozohet të mbrojë të drejtat e njeriut. Zotëria që juve sapo ftuat këtu ka, me ndihmën tuaj, në një falsifikim të pastër parlamentar të procedurave parlamentare, ka keqpërdorur vullnetin e deputetëve të opozitës për të uzurpuar një pozicion kushtetues.

Dhe sa kohë kjo çështje është në shqyrtim nga Gjykata Kushtetuese, zotëria mund të shkojë të mbajë ndonjë fjalim te partia e vet, po kurrsesi të vijë dhe të sillet këtu si Avokat i Popullit. Nuk kemi nevojë për të dëgjuar një njeri që s'ka ngritur kurrë zërin në gjithë këto muaj, është sjellë si një ushtar i partisë, për asnjë ditë të vetme si Avokat i Popullit. Prandaj ju lutem ta largoni nga ambientet e sallës së seancave plenare sepse nuk kemi nevojë të dëgjojmë një ushtar të Edi Ramës duke u hequr sikur është zgjedhur Avokat i Popullit. Keni shkelur Kushtetutën, grupi ynë parlamentar ka ndjekur rrugën institucionale dhe i është drejtuar Gjykatës Kushtetuese.

Sa kohë Gjykata Kushtetuese ende, ende nuk ka dhënë një vendim, ne do duhet të respektojmë këtë sensibilitet të opozitës. Zotëria le të vijë, ftojeni, e keni bërë praktikë, cilido që shkel ligjin, cilido që shkel Kushtetutën ju e ftoni të raportojë në grupin tuaj parlamentar. Meqë ra fjala keni mbledhje të premten te Pallati i Brigadave, ftojeni atje të raportojë, sepse ai është avokati juaj, jo Avokati i Popullit, jo avokat i qytetarëve shqiptarë, jo avokat që gëzon besimin e gjysmës së shqiptarëve që përfaqësohen në këtë sallë nga opozita parlamentare. Prandaj ju lutem kalojmë te diskutimet e deputetëve, zotëria të marrë makinën e të shkojë andej nga ka ardhur.

Të fundit