Flash News

Përplasje fatale mes dy automjeteve në Lushnjë, një i vdekur dhe 5 të plagosur

Tragjedi në Guajanë, fundoset trageti me 116 pasagjerë në bord

Berisha mesazh ngushëllimi për ndarjen nga jeta të gazetarit Enrik Mehmeti

Mendoi se ishte kafshë e egër, plagoset me armë gjahu një person në Bulqizë

Humbi jetën në aksident, kush ishte gazetari Enrik Mehmeti, i kushtoi mbi dy dekada profesionit

POLITIKOFF

Tre vjet pas stuhisë Daniel, kjo urë e shembur vazhdon të përdoret çdo ditë në Greqi

Politiko 19 July 2026, 15:54

be30bd09-1a95-4baa-a4c3-0778a94b6c1a.jpg

Banorët dhe fermerët pranë qytetit të Larisës në Greqi vijojnë të rrezikojnë jetën çdo ditë, duke kaluar mbi një urë që është pjesërisht e shembur prej afro tre vitesh dhe ende nuk është rikonstruktuar.

Ura e Palaiopyrgos u dëmtua rëndë në shtator të vitit 2023, kur stuhia shkatërruese Daniel goditi Greqinë dhe disa vende të tjera të rajonit, duke shkaktuar viktima dhe dëme të mëdha në infrastrukturë. Vetëm në rajonin e Thesalisë, përmbytjet shkatërruan 79 ura.

Pjesa qendrore e urës është fundosur dhe ndodhet vetëm pak centimetra mbi lumin Pineios, por pavarësisht gjendjes së saj të rrezikshme, drejtuesit e automjeteve vazhdojnë ta përdorin për të shmangur një devijim të gjatë.

Pamjet e publikuara nga media lokale LarissaNet, të filmuara me dron, tregojnë një automjet tip Ford Ranger që kalon mbi segmentin e dëmtuar, në një manovër që mund të kishte pasoja fatale.

Për banorët e zonës, zgjedhja është mes rrezikut dhe një rruge alternative më të gjatë, e cila u shton kohë udhëtimit dhe kostot e karburantit, sidomos fermerëve që e përshkojnë këtë itinerar çdo ditë.

Megjithëse ura konsiderohet zyrtarisht e pakalueshme, mungesa e barrierave fizike ka bërë që shumë drejtues mjetesh të shpërfillin sinjalistikën. Problemi prek edhe turistët, pasi aplikacionet e navigimit vazhdojnë t'i drejtojnë drejt urës së dëmtuar, duke i detyruar të kthehen pas vetëm kur përballen me rrugën e shembur.

Të fundit