Flash News

Përplasje fatale mes dy automjeteve në Lushnjë, një i vdekur dhe 5 të plagosur

Tragjedi në Guajanë, fundoset trageti me 116 pasagjerë në bord

Berisha mesazh ngushëllimi për ndarjen nga jeta të gazetarit Enrik Mehmeti

Mendoi se ishte kafshë e egër, plagoset me armë gjahu një person në Bulqizë

Humbi jetën në aksident, kush ishte gazetari Enrik Mehmeti, i kushtoi mbi dy dekada profesionit

E-TJERA

Humbi jetën në aksident, kush ishte gazetari Enrik Mehmeti, i kushtoi mbi dy dekada profesionit

Politiko 19 July 2026, 10:01

Gazetaria shqiptare është në zi pas ndarjes nga jeta të gazetarit vlonjat Enrik Mehmeti, i cili humbi jetën në moshën 40-vjeçare pas një aksidenti të ndodhur mbrëmjen e së shtunës në zonën e Porto Novës, në Zvërnec.

Mehmeti ishte një nga gazetarët më të njohur në Vlorë, duke ndërtuar një karrierë mbi 20-vjeçare në raportimin e ngjarjeve më të rëndësishme të qytetit bregdetar. Gjatë viteve, ai mbuloi zhvillime nga kronika, politika, kultura dhe sporti, ndërsa u dallua për raportimet nga terreni dhe përkushtimin ndaj çështjeve që preknin komunitetin.

Rrugëtimi i tij në gazetari nisi shumë herët. Në vitin 1997, kur ishte vetëm 11 vjeç, ai u angazhua si përkthyes në kampin e operacionit "Alba", ku forcat italiane ndodheshin në Shqipëri për të ndihmuar në rikthimin e rendit pas trazirave. Kjo eksperiencë u bë hapi i parë drejt profesionit që do ta ushtronte me pasion për më shumë se dy dekada.

Me kalimin e viteve, Enrik Mehmeti u kthye në një zë të besueshëm të informacionit në Vlorë, duke fituar respektin e kolegëve dhe besimin e qytetarëve për profesionalizmin dhe korrektësinë në raportim.

Mbrëmjen e së shtunës, ai humbi jetën në një aksident me motor me katër rrota në Porto Novo të Zvërnecit. Sipas të dhënave paraprake, dyshohet se humbi kontrollin e mjetit, i cili u përmbys disa herë. Policia po punon për zbardhjen e plotë të rrethanave të ngjarjes.
 
 
 
 

Të fundit