Flash News

Përplasje fatale mes dy automjeteve në Lushnjë, një i vdekur dhe 5 të plagosur

Tragjedi në Guajanë, fundoset trageti me 116 pasagjerë në bord

Berisha mesazh ngushëllimi për ndarjen nga jeta të gazetarit Enrik Mehmeti

Mendoi se ishte kafshë e egër, plagoset me armë gjahu një person në Bulqizë

Humbi jetën në aksident, kush ishte gazetari Enrik Mehmeti, i kushtoi mbi dy dekada profesionit

Bota

Andrew dhe Tristan Tate arrestohen në SHBA, përballen me procedura ekstradimi drejt Britanisë

Politiko 19 July 2026, 12:07

Andrew Tate dhe vëllai i tij Tristan janë arrestuar në Shtetet e Bashkuara të Amerikës, në kuadër të procedurave për ekstradimin e tyre drejt Mbretërisë së Bashkuar, pas akuzave të reja penale të ngritura nga autoritetet britanike.

Sipas Shërbimit të Prokurorisë së Kurorës në Britani (CPS), Andrew Tate përballet me akuza të reja që përfshijnë disa raste përdhunimi, trafikim seksual dhe vepra që lidhen me shfrytëzimin seksual të të miturve.

Ndërsa vëllai i tij, Tristan Tate, akuzohet për sulm seksual, raste përdhunimi dhe përfshirje në organizimin ose lehtësimin e trafikimit për qëllime shfrytëzimi seksual.

Hetimet lidhen me ngjarje të dyshuara të ndodhura gjatë periudhës 2010–2017. Të dy vëllezërit i kanë mohuar akuzat ndaj tyre, duke pretenduar se bëhet fjalë për një proces të motivuar politikisht. Avokati i tyre ka deklaruar se ata do të mbrojnë pafajësinë në gjykatë.

Kjo nuk është përballja e parë ligjore për vëllezërit Tate. Në vitin 2025, ndaj tyre ishin konfirmuar edhe akuza të tjera në Mbretërinë e Bashkuar, ndërsa ata vijojnë të jenë nën hetim edhe nga autoritetet rumune për çështje të tjera.

Andrew Tate, ish-kikboksier dhe figurë e njohur në rrjetet sociale, është bërë një personazh shumë i diskutuar për deklaratat e tij kontroverse dhe ndikimin te miliona ndjekës online.

Të fundit