Flash News

Raporti i KE për Shqipërinë, Berisha: Damkosi Ramën, Balluku është bërë çështje e BE-së

Zgjedhja e ekipit të ri drejtues, Berisha: PD ka kaluar procesin më të thellë të ripërtëritjes që nga themelimi

Konflikti për aeroportin e Vlorës, testi i radhës për klimën e biznesit në Shqipëri

Shqipëria me ujërat më problematike në Europë, vetëm 16.8% e plazheve marrin vlerësimin "ekselent"

Kush është "Sandri" Rubati? E shkuara e 50-vjeçarit që u plagos në atentatin në Sarandë

Bota

SHBA dhe Irani shkëmbejnë sulme me raketa e drone

Politiko 18 July 2026, 12:10

Përplasjet mes Shteteve të Bashkuara dhe Iranit kanë hyrë në ditën e shtatë, me të dyja palët që kanë vijuar sulmet ndaj objektivave ushtarake me raketa dhe dronë.

Ushtria iraniane deklaroi se ka goditur një bazë amerikane në Sheikh Isa, Bahrein, përmes një sulmi raketor. Sipas Teheranit, objektivat e sulmit kanë qenë një depo karburanti dhe infrastruktura ajrore e përdorur nga forcat amerikane në rajon.

Nga ana tjetër, edhe Shtetet e Bashkuara kanë konfirmuar vazhdimin e operacioneve ushtarake kundër Iranit. Komanda Amerikane bëri të ditur se gjatë sulmeve janë goditur qendra monitorimi, infrastruktura logjistike ushtarake, depo nëntokësore armësh dhe kapacitete detare iraniane.

Sipas njoftimit të publikuar në rrjetin social "X", forcat amerikane kanë përdorur një kombinim të avionëve luftarakë, dronëve dhe anijeve ushtarake gjatë operacioneve.

Ndërkohë, tensionet janë rritur edhe në Ngushticën e Hormuzit, një nga rrugët më të rëndësishme të transportit të naftës në botë. Garda Revolucionare Islamike e Iranit njoftoi se ka ndaluar katër anije që, sipas saj, po tentonin të kalonin ngushticën në kundërshtim me rregullat e vendosura nga autoritetet iraniane.

Teherani pretendon se operacioni është realizuar me përdorimin e raketave dhe dronëve, ndërsa akuzoi anijet se kishin mbështetje nga ushtria amerikane.

 

Të fundit