Flash News

Stuhia shkakton të lënduar në Sarandë, humb jetën një punonjës i OSHEE-së gjatë riparimit të rrjetit elektrik

Stuhia godet edhe Shqipërinë, era e fortë boshatis Lungomaren në Vlorë

Sekuestrohen 770 kg k*kainë në Itali, shumica e paketimeve me flamur serb

“Rama ik”, protestuesit mblidhen sërish në Tiranë pas 52 ditësh qëndresë

Zjarr pranë banesave në Elbasan, shpërthime gjatë ndërhyrjes së zjarrfikësve

E-TJERA

Eurodeputeti paralajmëron Ramën: BE po i ndjek paratë, do të ketë pasoja

Politiko 20 July 2026, 19:41
Eurodeputeti paralajmëron Ramën: BE po i ndjek paratë, do të

Eurodeputeti i grupit të Partisë Popullore Evropiane (PPE), Tomáš Zdechovský, ka shprehur kritika të forta ndaj qeverisë shqiptare, duke deklaruar se Bashkimi Evropian nuk do të pranojë një vend që, sipas tij, nuk garanton luftën kundër korrupsionit dhe zgjedhje transparente.

I ftuar në emisionin "Kafe Shqeto" në SYRI TV, Zdechovský tha se misioni i Parlamentit Evropian, të cilin ai drejtoi në Shqipëri për kontrollin buxhetor, ka krijuar një panoramë të qartë mbi situatën në vend.

"Ne kemi një pasqyrë të qartë të situatës në Shqipëri. Nuk mund të vazhdohet në këtë mënyrë. Korrupsioni nuk do të jetë kurrë pjesë e Bashkimit Evropian dhe zoti Rama duhet ta dijë se, nëse keqpërdor pushtetin në mënyrë jo demokratike, Shqipëria nuk do të ecë drejt anëtarësimit në BE", u shpreh eurodeputeti.

Sipas tij, Bashkimi Evropian po monitoron nga afër zhvillimet në Shqipëri dhe pret që proceset zgjedhore të zhvillohen sipas standardeve demokratike.

Zdechovský paralajmëroi se, nëse nuk do të ketë zgjedhje transparente, kjo do të ketë pasoja.

"Qëndrimi ynë është shumë i qartë. Nëse zoti Rama nuk garanton zgjedhje transparente, do të ketë pasoja, veçanërisht për të dhe familjen e tij", deklaroi ai.

I pyetur nga moderatori  se çfarë nënkuptonte me "pasoja për të dhe familjen e tij", eurodeputeti pretendoi se bëhet fjalë për monitorimin e lëvizjeve financiare.

"Ne kemi vënë re se ai përdor familjarët për të transferuar para jashtë vendit. Ne po ndjekim gjurmët e këtyre parave. Është një mesazh i qartë dhe ai do ta kuptojë shumë mirë", tha Zdechovský.

Të fundit