Flash News

“Rama ik”, protestuesit mblidhen sërish në Tiranë pas 52 ditësh qëndresë

Zjarr pranë banesave në Elbasan, shpërthime gjatë ndërhyrjes së zjarrfikësve

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Nga arka te thesi me para, pamjet filmike zbulojnë lëvizjet e ish-shefes së financës në Postën e Durrësit

Atentati në Elbasan, dyshohet se objektivi ishte nipi i “Ot Kilës”

Ditari i Opozitës

Këlliçi: Rasti i Arubës nuk është i vetmi, ka dyshime edhe për transport parash me “charter”

Politiko 21 July 2026, 18:24

-900-0-1784649949xkellici-636.jpg

Nënkryetari i Partisë Demokratike, Belind Këlliçi, ka vijuar me akuzat ndaj kryeministrit Edi Rama, pasi sipas tij prej vitesh qarkullojnë dyshime për përdorimin e avionit privat "charter" në aktivitete të paligjshme, përfshirë trafik droge dhe transport parash.

Në një intervistë në A2 CNN, Këlliçi deklaroi se rasti i Arubës nuk është i vetmi që ngre pikëpyetje.

AI deklaroi se ekzistojnë indicie dhe informacione të mbledhura nga shërbime partnere, sipas të cilave kryeministri ka trajtuar asetet publike të vendit si pronë private.

Sipas tij, në Aruba është diskutuar për ndarjen e pronave dhe pasurive publike në favor të karteleve të drogës, ndërsa shtoi se ka edhe raste të tjera që lidhen me transportin e parave jashtë Shqipërisë dhe korrupsionin e politikanëve të huaj.

“Për Edi Ramën prej vitesh flitet për përdorimin e ‘charter’-it të tij privat qoftë për trafik droge, qoftë për transport parash. Nuk është vetëm rasti i Arubës, ku vendoset harta e Shqipërisë në tavolinë dhe ndahen pronat publike si plaçkë për kartelet e drogës. Ka edhe raste të tjera që lidhen me transportin e parave jashtë Shqipërisë dhe korrupsionin e politikanëve të huaj”, u shpreh Këlliçi.
Më tej, ai tha se autoritetet e huaja kanë interceptuar komunikime të personave të përfshirë në veprimtari kriminale dhe se këto materiale u janë përcjellë institucioneve shqiptare.

“Këto përgjime i kanë partnerët e huaj dhe më pas mund t’i kenë edhe autoritetet shqiptare. Janë komunikime të interceptuara të personave me origjinë shqiptare, të cilat u janë dërguar Prokurorisë së Posaçme”, deklaroi Këlliçi.

Të fundit