Flash News

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Nga arka te thesi me para, pamjet filmike zbulojnë lëvizjet e ish-shefes së financës në Postën e Durrësit

Atentati në Elbasan, dyshohet se objektivi ishte nipi i “Ot Kilës”

Berisha akuza të forta Ramës: Transportoi para me avionin privat, do rikthejmë kërkesën për komision hetimor

‘Po zbrazet vendi’, sondazhi i IRI godet qeverinë: Emigrimi dështimi numër një, pas tij korrupsioni dhe çmimet

E-TJERA

Ish-kryebashkiaku i Divjakës Fredi Kokoneshi paraqitet në GJKKO

Politiko 21 July 2026, 12:14

Ish-kryebashkiaku i Divjakës, Fredi Kokoneshi, është paraqitur këtë të hënë në Gjykatën e Posaçme kundër Korrupsionit dhe Krimit të Organizuar (GJKKO), ku ka nisur seanca paraprake për dosjen penale në ngarkim të tij dhe tre të pandehurve të tjerë.

Kokoneshi akuzohet nga SPAK për veprën penale të "shpërdorimit të detyrës", ndërsa në të njëjtin proces gjyqësor janë marrë të pandehur edhe Dorjan Spaho, Andi Bullari dhe Ledio Xharo.

Sipas dosjes hetimore, ish-kryebashkiaku dhe zyrtarë të tjerë të Bashkisë Divjakë dyshohet se kanë shkelur ligjin gjatë procedurave të dhënies me qira të disa pasurive publike.

Bëhet fjalë për rreth 67 hektarë tokë, të dhëna me qira për ndërtimin e impianteve fotovoltaike me afat shfrytëzimi 10-vjeçar. Sipas SPAK, sipërfaqet e përfshira në kontrata rezultonin të regjistruara në Agjencinë Shtetërore të Kadastrës si tokë bujqësore, çka përbën edhe një nga elementët kryesorë të hetimit.

Në seancën paraprake pritet që gjykata të vendosë nëse çështja do të kalojë për gjykim ose nëse do të merren vendime të tjera procedurale për dosjen.

Të fundit