Flash News

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Nga arka te thesi me para, pamjet filmike zbulojnë lëvizjet e ish-shefes së financës në Postën e Durrësit

Atentati në Elbasan, dyshohet se objektivi ishte nipi i “Ot Kilës”

Berisha akuza të forta Ramës: Transportoi para me avionin privat, do rikthejmë kërkesën për komision hetimor

‘Po zbrazet vendi’, sondazhi i IRI godet qeverinë: Emigrimi dështimi numër një, pas tij korrupsioni dhe çmimet

E-TJERA

Protestuesit i kërkojnë anulimin, Rama refuzon të tërhiqet nga “Paketa e Maleve”: Nuk anulohet

Politiko 21 July 2026, 10:14

Prej 51 ditësh, në mesin e kërkesave drejtuar qeverisë, protestuesit kanë kërkuar edhe anulimin e “Paketës së Maleve”.

Kryeministri Rama, në një deklaratë të bërë sot, e përjashtoi mundësinë e anulimit të “Paketës së Maleve” duke e mbrojtur ligjin në fjalë si një mundësi për emigrantët që, sipas tij, duan të investojnë për t’i dhënë një shtysë turizmit dhe ekonomisë.

Edhe pse ligji në fjalë është pritur me kritika dhe rezerva, Rama shprehet me bindje se nuk synon të vjedhë prona e as sipërfaqe toke. Por, sipas tij, do t’i japë mundësinë dhe të drejtën e pronës çdo individi që e ka një të tillë.

“Këtu nuk jemi në kushtet ku shiten malet. Këtu jemi në kushtet kur malet po hapen për ata që në male kanë trashëguar një pronë. Këtu jemi në kushtet kur njerëz të cilët kanë një pemëtore, të cilët e mirëmbajnë prej vitesh dhe për të cilën kanë pamundësi të kenë letrat për arsyet që thashë, mund të pajisen me një leje për të bërë një agropërpunim. Jemi në kushtet kur mijëra emigrantë kanë shprehur interes sepse duan të investojnë. Turizmi do shkojë duke u bërë ekonomi gjithnjë e më domethënëse. Paketa e maleve është politikë për njerëzit, të drejtën e pronës, zhvillimit të pronës. Politikë që u shkon për shtat atyre që për vite nuk kanë mundur ta kthejnë pronën në aset financiar. Ca do me thënë të anulohet paketa e maleve, dmth që këto njerëz të mbeten pezull sepse disave që malet i shohin nga qyteti, nuk kam parë ndonjë komunitet nga këta që preken se për shkak nuk e kanë këtë paketë, të çohen të thonë që kjo paketa po na merr pronat. Ata mezi e presin, kjo është rezultat i shumë bisedave, i shumë përpjekjeve, nuk është diçka që lindi sa hap e mbyll sytë. Shitet në tregun e fjalëve si një tjetër akt tradhtie. Unë tradhtar, një temë tjetër kjo”, tha Rama.

Të fundit