Flash News

Gjykata e Lartë publikon listën e kandidatëve për KLGJ, 7 gjyqtarë në garë për 3 vende

Nga arka te thesi me para, pamjet filmike zbulojnë lëvizjet e ish-shefes së financës në Postën e Durrësit

Atentati në Elbasan, dyshohet se objektivi ishte nipi i “Ot Kilës”

Berisha akuza të forta Ramës: Transportoi para me avionin privat, do rikthejmë kërkesën për komision hetimor

‘Po zbrazet vendi’, sondazhi i IRI godet qeverinë: Emigrimi dështimi numër një, pas tij korrupsioni dhe çmimet

Ditari i Opozitës

Vokshi: Deklaratat e eurodeputetit fundosin Ramën, SPAK të nisë hetimet

Politiko 21 July 2026, 12:59

Deputetja e Partisë Demokratike, Albana Vokshi, ka reaguar pas deklaratave eurodeputetit Tomáš Zdechovský,  lidhur me procesin e integrimit të Shqipërisë në Bashkimin Europian, duke i cilësuar ato si "ndër më të rëndat" të bëra ndonjëherë për qeverinë shqiptare.

Sipas Vokshit, deklaratat tregojnë se pengesa kryesore për integrimin europian të vendit është kryeministri Edi Rama.

"Eurodeputeti e tha qartë se Edi Rama jo vetëm nuk garanton zgjedhje të lira dhe të ndershme, por akuzohet edhe për pastrim të parave të krimit dhe trafikut të drogës përmes familjarëve të tij. Këto janë deklarata tepër shqetësuese dhe skandaloze", u shpreh ajo.

Deputetja demokrate theksoi se, sipas saj, këto qëndrime nuk janë më vetëm akuza të opozitës, por shqetësime që po ngrihen edhe në institucionet europiane.

"Kjo është një 'bombë' politike që konfirmon jo vetëm denoncimet tona, por edhe shqetësimet e partnerëve ndërkombëtarë. Integrimi nuk është fasadë, por nënkupton shtet ligjor, luftë kundër korrupsionit dhe zgjedhje të lira", deklaroi Vokshi.

Ajo kërkoi që kryeministri Rama të japë shpjegime publike për deklaratat e eurodeputetit, duke theksuar se ato prekin drejtpërdrejt qeverinë dhe familjarët e tij.

Në përfundim, Vokshi i bëri thirrje Prokurorisë së Posaçme (SPAK) të nisë hetime për çështjen.

"SPAK duhet të reagojë menjëherë dhe të hetojë këto deklarata, pasi bëhet fjalë për akuza shumë serioze që kërkojnë transparencë dhe përgjegjësi institucionale", u shpreh deputetja demokrate.

 

Të fundit