Flash News

Aksident i rëndë pranë TEG-ut, një betoniere bie nga mbikalimi në autostradë

Facebook, Instagram dhe Messenger jashtë funksionit për shumë përdorues!

Viktima e dytë nga moti i keq në Sarandë, gjendet i pajetë në det një peshkatar

Shkelën procedurat e punësimit të Muçi Shaljanit, 6 muaj burg për dy ish-zyrtarët e AMP-së

Humbi kontaktet me familjen/ Ambasada braziliane zbulon rastin e prostitucionit në Shqipëri

E-TJERA

Deklarata e ministres serbe, ish-luftëtari i UÇK-së në protestë: Heshtja nuk është maturi, por tradhti

Politiko 21 July 2026, 21:25

 -640-0-1784660722xuck-692.jpg

Ish-luftëtari i Ushtrisë Çlirimtare të Kosovës, Meçan Zotaj, ka folur në protestën e sotme duke u ndalur te mungesa e një qëndrimi zyrtar nga institucionet shqiptare pas deklaratave të ministres serbe, e cila tha se, po të kishte jetuar në kohën e Sllobodan Millosheviçit, do ta kishte "spastruar etnikisht Kosovën nga shqiptarët".

Zotaj e cilësoi këtë deklaratë si një thirrje të hapur për gjenocid dhe akuzoi qeverinë dhe Parlamentin e Shqipërisë për heshtje, duke kërkuar miratimin e një rezolute që ta dënojë zyrtarisht atë.

Ish-luftëtari i UÇK-së, Meçan Zotaj: Deklaratë mbi heshtjen kriminale të qeverisë dhe Parlamentit shqiptar përballë deklaratës gjenocidiale të ministres serbe. Ministrja serbe foli publikisht pa drojë, pa turp. Ajo tha: “Po të isha në kohën e Millosheviçit, do ta kisha spastruar etnikisht Kosovën nga shqiptarët.”

Kjo nuk është një deklaratë rasti, kjo nuk është një rrëshqitje gjuhe, kjo deklaratë nuk është një mendim personal. Është një thirrje e hapur për gjenocid. Kjo është një kërcënim ndaj ekzistencës së një populli autokton në Kosovë.

Është një kthim i mendësisë që solli masakra, vrasje, zhvendosje dhe varreza masive në Kosovë. Dhe çfarë bëri Shqipëria? Heshti! Heshtja e Shqipërisë është një fyerje e dyfishtë. Parlamenti nuk bëri asnjë rezolutë, qeveria, që pretendon se mbron interesat kombëtare, nuk bëri asnjë protestë zyrtare. Asnjë deklaratë të përbashkët, asnjë thirrje për dënim ndërkombëtar, as thirrje për tërheqjen e fjalëve.

Një heshtje që nuk është maturi, nuk është strategji, por tradhti. Kushtetuta e thotë qartë që Republika e Shqipërisë mbron interesat e shqiptarëve. Ajo ka fyer çdo shqiptar. Po fyen viktimat e gjenocidit, të mbijetuarit. Ajo ka fyer çdo shqiptar. Po fyen viktimat e gjenocidit, të mbijetuarit dhe ju që uleni në Parlament, heshtni. Shqiptarët nuk janë të huaj në Kosovë. Kosova nuk është një krahinë, por është një shtet i pavarur.

Ne nuk kërkojmë hakmarrje, asgjë që cenon paqen, por një rezolutë, një fjalë zyrtare dhe një akt që thotë se kjo deklaratë është e papranueshme dhe Shqipëria e dënon atë. Rezoluta është një detyrë. Dhe nëse nuk jeni në gjendje të bëni as këtë, pranoni që nuk jeni në gjendje të mbani detyrën tuaj. Nëse nuk reagoni, atëherë dhe ju jeni bashkëfajtor, jo të gjenocidit, por të heshtjes para gjenocidit.

Të fundit