Në mbledhjen e zhvilluar këtë të martë, Këshilli bashkiak i Durrësit vendosi që dhjetra brigata të nisin së shpejti nga puna për të riparuar dëmet nga tërmeti në pallatet e ndërtuara para vitit 1993 në Durrës.
100 punonjës ndërtimi do të jenë pjesë e një strukture të posaçme që për një periudhë 3-mujore do të kryejë punime në të gjitha objektet e banimit të dëmtuara nga tërmeti i 26 nëntorit.
Pas miratimit të kësaj strukture të përkohshme me 100 punëtorë, këshilltarët bashkiakë miratuan edhe listën e rishikuar e të ndryshuar të familjeve të dëmtuara nga tërmeti që do të përfitojnë bonusin e qerasë në këtë bashki.
