Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Bylbashi dhe Gjiknuri bojkotojnë mbledhjen e Këshillit Politik, s'pranojnë të diskutojnë për draftin e PS

Politiko 18 Shtator 2020, 12:59

Bylbashi dhe Gjiknuri bojkotojnë mbledhjen e Këshillit Politik,

Opozita jashtëparlamentare ka bojkotuar mbledhjen e sotme të Këshillit Politik, të nisur në orën 12:00.

Përfaqësuesit e opozitës, Oerd Bylykbashi dhe Petrit Vasili nuk kanë pranuar të diskutohet mbi draftin me 7 pika të propozuar nga Partia Socialiste për ndryshimet kushtetuese në Kodin Zgjedhor.

Pas daljes nga mbledhja, Bylykbashi u shpreh i prerë se s'mund të diskutojmë për formulën e koalicioneve dhe ndarjen e mandateve pa marrë ekspertizën e OSBE/ODIHR dhe nuk do të ulen më në tryezë për të diskutuar për çështjet e tjera pa marrë dakordësi nga përfaqësuesi Damian Gjiknuri për këtë gjë.

"Në përputhje me atë që kishim kërkuar edhe në mbledhjen tjetër të Këshillit Politik. Ne sot sollëm kërkesën zyrtare të opozitës, kërkesë me shkrim për të aktivizuar mekanizmin e zgjidhjes së mosdakordësive që ka marrëveshja e 14 janarit e cila në mënyrë fare të qartë thotë: palët kërkojnë konsensus, dhe nëse konsensusi nuk arrihet, Këshilli i drejtohet OSBE-ODIHR-it për asistencë për të gjeture zgjidhje të pranueshme. Ajo që po kërkojmë ne është pikërisht gjetja e një zgjidhje të pranueshme konsensuale. Partia Socialiste insiston që të ndryshojë atë që është konsensualisht e dakordësuar për 17 vjet deri me datë 21 korrik 2020. Për këtë ka mosdakordësi dhe ne kërkojmë zyrtarisht nga Partia Socialiste që nëpërmjet Këshillit ti drejtohemi OSBE-ODIHR.

Kërkesa është zyrtare, presim sot përgjigje zyrtare me shkrim nga përfaqësuesi i maxhorancës. Ne ia bëmë të qartë që japim kohën për të reflektuar, jemi këtu dhe presim që sapo zoti Gjiknuri të bjerë dakord, të vazhdojmë punë për çështjet e tjera. Por çështja për koalicionet që të ruhen ashtu siç janë sot në kodin zgjedhor me konsensus edhe me 23 korrik, ne nuk lëvizim nga ajo pa marrë një përgjigje ekspertize nga OSBE-ODIHR.

Ka një pretendim që keni bojkotuar mbledhjen?

Bylykbashi: E bëra fare të qartë. Ne kemi bërë një kërkesë zyrtare, presim përgjigjen e tyre sepse marrëveshja e 14 janarit është themeli i funksionimit të këtij këshilli. Ne jemi të gatshëm për të filluar sapo zoti Gjiknuri të tregojë gatishmërinë. Ai në mbledhje tha: ne nuk jemi dakord që ti drejtohemi ODIHR-it. Një nga kërkesat e Partisë Demokratike dhe opozitës së bashkuar ka qenë hapja 100% e listave. Sot socialistët kanë sjellë në tryezë propozimin e tyre konkret për hapjen 100% të listave.

A e shihni këtë si një sinjal pozitiv? Ne nuk lëvizim nga kërkesat tona. Koalicionet ruhen siç janë dhe lista 100% realisht të hapura. Le të kuptojmë diçka. Në këtë moment, siç tha edhe zoti Vasili, PS po bojkoton marrëveshjen e 14 Janarit. Marrëveshja e 14 Janarit funksionon si një e tërë dhe jo me pjesët që i interesojnë zoti Gjiknuri apo PS-së. Nëse nuk i gjendet konsensus, i drejtohemi OSBE – ODIHR. Këshilli politik nuk është parlamenti ku ata vendosin me si të duan ata dhe me votat që duan ata Këtu bihet dakord me konsensus dhe me drafte te pranuara bashkërisht, përndryshe ata po cenojnë funksionimin e Këshillit Politik. Ne jemi të gatshëm të vazhdojmë punën sapo të reflektojnë" tha Bylykbashi.