Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

KRYESORE

Dritan Bici, ish-kryebashkiaku socialist që bëhet deputet i PDIU. A do i kapërdijnë Gjiknuri dhe Angjeli akuzat e tij, për një votë më shumë në Kuvend?

Politiko 27 Dhjetor 2017, 13:00

Dritan Bici, ish-kryebashkiaku socialist që bëhet deputet i PDIU. A do

Aqif Rakipi është drejt humbjes së mandatit të deputetit për shkak se Prokuroria e ka dërguar tashmë kërkesën në KQZ, ku e akuzon se ka falsifikuar dokumentin e dekriminalizimit. Duke qenë se në muajin tetor PD kërkoi heqjen e mandatit për Rakipin dhe KQZ-ja dominohet nga anëtarët e opozitës, mundësitë për një votë pro kërkesës së prokurorisë janë të larta.

Në rast të shkarkimit, vendin e Aqif Rakipit në Kuvend do e zërë Dritan Bici, ish-kryebashkiak i PS-së në Gramsh, por që në zgjedhjet e 25 qershorit kandidoi për PDIU-në.

Pavarësisht këtij kalimi, Dritan Bici mund të konsiderohet “100% socialist”, pasi ka qenë pjesë e kësaj partie që prej vitit 1992. 25 vite më parë, ai u zgjodh anëtar i Këshillit të Rrethit dhe më pas karriera në PS ka njohur vetëm rritje duke u bërë anëtar i Asamblesë, kryebashkiak dhe nënprefekt i Gramshit.

Por, kriza me drejtuesit e lartë të partisë ka nisur përpara zgjedhjeve lokale të 2015-ës, kur i dërguari i kryetarit Edi Rama, Damian Gjiknuri, nuk e preferonte më Bicin për postin e kryebashkiakut. Ai kandidoi atje, Luljeta Dollanin.

Bici iu kundërpërgjigj menjëherë dhe në muajin shkurt të 2015-s, pak përpara zgjedhjeve, ai e akuzoi Gjiknurin për nepotizëm. Në po të njëjtin muaj, Dritan Bici u kallëzua nga ‘ILDKP’ për fshehje dhe mosdeklarim të pasurisë.

Më 23 qershor të 2015-ës, Dritan Bici kandidoi nën logon e “Fronit të Majtë”, por u mposht nga kandidatja e PS.

E megjithatë, pavarësisht krizës me Gjiknurin, Bici vijoi të ishte pjesë e Asamblesë e PS duke u zgjedhur edhe nënprefekt për Gramshin. Pavarësisht këtij momenti, kriza u rikthye sërish me afrimin e zgjedhjeve qendrore.

Në mars të 2017-s, Dritan Bici kishte vendosur tashmë në objektiv deputetin Anstas Angjeli, i cili ishte i ngarkuari për zonën e Gramshit për zgjedhjet parlamentare.

“Ju ngeli Caci, nuk dinin ku ta çonin dhe e sollën në Gramsh”, është shprehur Bici në një intervistë për “InfoElbasani”, ku ndër të tjera e akuzonte deputetin e PS për arrogancë të madhe.

Gjithsesi, këto lëvizje dy vjeçare, sa nga PS te PDIU, i kanë bërë të mundur Bicit të arrijë atë që partia ku kontribuoi për 25 vite nuk ia mundësoi, hyrjen në Kuvendin e Shqipërisë. Aty ai do të gjejë Damian Gjiknurin dhe Anastas Angjelin, ish-kolegët ndaj të cilëve ka lëshuar shumë akuza. Pavarësisht të gjithave, mbetet për t’u parë nëse Gjiknuri dhe Angjeli do i kapërdijnë përplasjet me Bicin, për ta rikthyer te PS dhe të sigurojnë kështu një votë më shumë në Kuvend, apo do e lënë të jetë një lojtar i PDIU-së së Shpëtim Idrizit, nga e cila në fakt nuk është se ka mbetur shumë.