Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

E-TJERA

Inceneratori i Elbasanit/ GJKKO pranon ankimimin e SPAK për Lefter Kokën dhe 5 të tjerë

Politiko 23 Maj 2024, 10:55

Inceneratori i Elbasanit/ GJKKO pranon ankimimin e SPAK për Lefter

GJKKO ka pranuar ankimin e SPAK për 6 të pandehur për aferën e inceneratorit të Elbasanit. Seanca do të mbahet më 6 qershor në orën 11:30.

SPAK ankimoi vendimin e GJKKO për Lefter Kokën, Pëllumb Abeshin, Jonida Zeqon, Mirel Mertirin, Stela Gugallian dhe Klodian Zoton.

Për Kokën gjykata rrëzoi akuzën e shpërdorimit të detyrës dhe dënoi atë për korrupsion. Por, SPAK kërkon në Apelin e Posaçëm dënimin e Alqi Bllakos dhe Lefter Kokës përkatësisht me 10 vite për Kokën e 4 vite për Bllakon.

“Gjykata e Posaçme e Apelit për Korrupsionin dhe Krimin e Organizuar, më 16.05.2024, regjistroi çështjen penale nr. 35 regjistri themeltar, mbi ankimin e Prokurorisë së Posaçme kundër Korrupsionit dhe Krimit të Organizuar dhe ankimeve të ankuesve/të pandehur L.K., P.A., J.Z., M.M., S.G., K.Z., Shoqëria tregtare “*” sh.p.k., Shoqëria tregtare “*” sh.p.k., me objekt: “Ankim ndaj vendimit nr. 61, datë 05.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka deklaruar fajtorë të pandehurit për kryerjen e veprave penale të parashikuara nga nenet 248-25, 245-25, 260, 287/2, 328-25 të Kodit Penal.

Sipas shortit të datës 16.05.2024, trupi gjykues përbëhet nga gjyqtarja Igerta Hysi (kryesuese), Saida Dollani (Anëtare), dhe Iliriana Olldashi (Anëtare).

Seanca gjyqësore publike është caktuar për më datë 05.06.2024, ora 11:30”, thuhet në njoftim.

Të fundit