Flash News

Përfaqësues të SHBA dhe OSBE marrin pjesë në meshën për Papa Françeskun në Katedralen "Shën Pali"

Aksident në aksin Fier-Levan, furgoni përplas motomjetin, një i plagosur

I dënuar për fshehje pasurie, GJKKO konfiskon apartamentin e ish-kreut të Kushtetueses, Bashkim Dedja

Dështon votimi i parë për zgjedhjen e drejtorit të RTSH

Ndarja nga jeta e Papa Françeskut, e shtuna shpallet ditë zie në Shqipëri

E-TJERA

Kampi në Gjadër/ Këshilli i Evropës ngre alarmin për mbipopullimin, abuzimet dhe përdorimin e drogës

Politiko 24 Prill 2025, 17:13

Kampi në Gjadër/ Këshilli i Evropës ngre alarmin për

Komiteti i Këshillit të Evropës për Parandalimin e Torturës (CPT) ka ngritur shqetësime serioze për kushtet në qendrat e paraburgimit të riatdhesimit (CPR) në Itali, duke evidentuar keqtrajtime, abuzime, kujdes të dobët shëndetësor dhe kushte degraduese të jetesës për të ndaluarit.

Sipas raportit të prillit 2024, Komiteti thekson se këto struktura, të cilat janë krijuar për ndalimin e përkohshëm të shtetasve të huaj në pritje të dëbimit, kanë qenë objekt kritikash të rritura vitet e fundit për menaxhimin e dobët dhe shkeljen e të drejtave themelore.

Në një vizitë të realizuar në katër nga nëntë CPR-të në Itali, Komiteti evidentoi shkeljet sistematike të të drejtave të njeriut dhe kushtet e papranueshme që përjetojnë të ndaluarit.

Raporti vë në pikëpyetje vlefshmërinë e modelit italian të paraburgimit të emigrantëve, sidomos në kontekstin e implementimit të tij jashtë shtetit, përfshirë mundësinë e hapjes së qendrave të ngjashme në Shqipëri.

Dyshime për marrëveshjen mes Shqipërisë dhe Italisë:

CPT shprehu gjithashtu dyshime për marrëveshjen dypalëshe mes Shqipërisë dhe Italisë, që parashikon krijimin e CPR në territorin shqiptar. Komiteti ngriti shqetësime për mundësinë e garantimit të standardeve minimale të mbrojtjes së të drejtave të njeriut në këto qendra, duke pasur parasysh dështimet tashmë të dukshme në Itali. Garancitë e ofruara nga autoritetet italiane nuk u konsideruan të mjaftueshme për të adresuar këto shqetësime.

Komiteti i Këshillit të Evropës kërkon që të shqyrtohen me seriozitet këto praktika dhe të sigurohen kushte të paprekura që respektojnë të drejtat themelore të të gjithë individëve të ndaluar, duke garantuar mbrojtje të plotë nga tortura dhe trajtimi çnjerëzor.

Të fundit