Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Tronditi Athinën/ Kjo është shqiptarja që u vra me çekiç nga i shoqi

"E vrava për xhelozi", ky është shqiptari që ekzekutoi gruan me çekiç në Athinë

Gjykata Kushtetuese 'rrëzon' kërkesën e Malltezit, lë në fuqi "arrestin shtëpiak"

Mashtruan italianët dhe përfituan rreth 4 mln euro, arrestohen 2 vëllezërit

E-TJERA

Kompania "Shell" konfirmon dështimin e Shpiragut, Rama 'e shiti' si zbulim

Politiko 13 Prill 2024, 15:25

Kompania "Shell" konfirmon dështimin e Shpiragut, Rama 'e

Gjigandi ndërkombëtar i hidrokarbureve, "Shell", ka konfirmuar zyrtarisht dështimin e kërkimeve për naftë në Shpirag duke paralajmëruar tërheqjen e saj nga ky vendburim. Lajmin e ka dhënë gazetari Klodian Tomorri, i cili në një artikull në "Kapitali".

Në raportin e rezultateve për tremujorin e parë të këtij viti, kompania raporton se do të fshijë nga regjistrat e saj mbi 600 milionë dollarë shpenzime kërkimi, kryesisht në Shqipëri.

“Për tremujorin e parë, fshirjet e kërkimit të puseve pritet të jenë 0.6 miliardë dollarë, kryesisht në Shqipëri,” deklaroi kompania në përditësimin e rezultateve financiare për tremujorin e parë të vitit.

Kompania "Shell" konfirmon dështimin e Shpiragut, Rama 'e

Kompanitë e naftës, kur kërkimet e tyre dështojnë ose puset rezultojnë të paleverdishme, kompanitë i fshijnë ato nga regjistrat e tyre kontabël.

Verën e vitit të kaluar, kryeministri Edi Rama dhe zv.kryeministrja Belinda Balluku e shitën lajmin e naftë në Shpirag, si një zbulim të madh, që do ta bënte Shqipërinë vend të pasur.

“Kjo pasuri do impaktojë pensionet, sistemin e arsimit, shëndetësisë, mirëqenien e fëmijëve tanë. Ata do jenë përfituesit më të mëdhenj se ne do ndërtojmë si duhet një fond sovran serioz për mbrojtjen, garantimin dhe fuqizimin e sovranitetit”, tha Rama.

Detyra për ngritjen e fondit sovran sipas modelit norvegjez, i cili do të administronte miliardat nga nafta e Shpiragut iu ngarkua Ballukut.

“Nga momenti që filluam punën për ngritjen e një Fondi Sovran, flitet për të ardhura shumë më të larta se 500 milionë euro në vit, të cilat nuk mund të menaxhohen nga buxheti i shtetit, por nga Fondi Sovran,” deklaroi Balluku.

Por, teatri i dyshes Rama-Balluku ka zgjatur shumë pak duke e lënë Shpiragun si një "ëndërr në sirtar" për qeverinë.

Të fundit