Evropa vë ligje të rrepta për skuterat elektrikë, po Shqipëria?

Jo rrallë na bie rasti t’i shohim nëpër rrugët e Tiranës. Ato përdoren nga të rinjtë, kryesisht meshkujt, por nuk mungojnë as rastet kur janë femra ata që ngasin një të tillë. Bëhet fjalë për skooter-at elektrikë, të cilët janë mjaft në modë në Europë dhe dalëngalë duket se po ‘pushtojnë’ edhe rrugët e vendeve të Ballkanit, përfshirë Shqipërinë.

Megjithëse këto mjete qarkullojnë lirshëm në rrugët e kryeqytetit, duket se ato trajtohen njësoj si biccikletat, pa një ligj të posaccëm për ta, ndryshe nga vendet e Evropës.

Nga Parisi në Berlin qytetarët po përdorin çdo ditë e më shumë këtë dyrrotak, i cili duket se është mënyra më e mirë dhe më ekologjike për të lëvizur nëpër qytet.

Por nuk kanë qenë të pakta kritikat ndaj këtij motori, për shkak të aksidenteve të shumta që kanë ndodhur në rrugë, disa prej të cilave me pasojë vdekjen.

Franca ka miratuar një ligj që dënon me 135 euro gjobë ata që ngasin një scooter në trotuar. Kryebashkiaku i Parisit ka kërkuar që shpejtësia e këtij motori të mos i kalojë 20 kilometra në orë në pjesën më të madhe të zonave, dhe 8 kilometra në orë në zonat ku ka shumë kalimtarë.

Po ashtu, Gjermani e legalizoi përdorimin e scooter-ave elektrikë dy muaj më parë, por shpejt e kuptoi se duhet të vëndosë ligje të rrepta për përdorimin e tyre.

Policia gjermane thotë se shtatë persona janë plagosur rëndë dhe 27 pësuan lëndime të vogla në aksidentet e shkaktuara nga scooter-at që nga mesi i qershorit.  Sipas policisë, shumica e këtyre aksidenteve kishin ndodhur për shkak të pakujdesisë në përdorimin e këtyre mjeteve.

Në Britani scooter-at janë të ndaluar të ngiten në trotuare dhe konsiderohet shkelje nëse përdoren në rrugë, pasi nuk përkojnë me ligjet që kërkojnë taksa, sigurime dhe testin e shoferit.

Në Madrid përdoruesit e skuterëve duhet të lëvizin vetëm në rrugë me jo më shumë se një korsi, ndërsa kufiri maksimal i shpejtësisë është 30 kilometra në orë.

Brukseli – kryeqyteti i Belgjikës dhe i Bashkimit Evropian – është përmbytur nga numri i scooter-ave elektrikë gjatë vitit të kaluar.

Por secila prej 19 bashkive që përbëjnë Brukselin ka rregullat e veta për automjetet. Disa vendosin gjoba ose kufij shpejtësie, ndërsa të tjerët vendosin kufizime parkimi.

Ministria e Transportit në Itali vendosi rregulla të reja muajin e kaluar për skooter-at elektrikë dhe format e tjera elektrike të transportit.

Në vendet e Ballkanit, skuterat elektronikë akoma funksionojnë në një zonë gri, përveç Sllovenisë, e cila është duke hartuar legjislacionin që do t’i kufizojë ato në zonat e këmbësorëve dhe korsitë e biçikletave.

Shpejtësia maksimale do të kufizohet në 25 kilometra në orë, por në zonat e këmbësorëve skooter-ët elektrikë do të duhet të duhet të lëvizin me ritmin e ecjes.

Ata do t’i nënshtrohen të njëjtave rregulla lokale si për biçikletat, që do të thotë se ata do të duhet të kenë drita dhe helmetat që do të jenë të detyrueshme për personat nën moshë.