“Kam vajzën dy ditë pa bukë”, Grida Duma: Shqipëria që duhet dhe ajo që propagandohet!

Ish-deputetja e Partisë Demokratike Grida Duma publikoi një video në facebook, ku ballafaqohen deklaratat e kryeministrit Edi Rama dhe ankesat e qytetarëve që përballen me vështirësi në këto ditë të vështira. Në videon e publikuar nga Grida Duma shihet kryeministri që deklaron se “nuk po vdes njerin për të ngrënë”.

“Shqipëria që duhet, është vendi i njerëzve që karantinohen për të jetuar, jo për t’u sëmurur. Shqipëria  bëhet  kur e vërteta të takohet me guxim pa mllef dhe duf.  Shqipëria që duhet, kujdeset për qytetaret e saj pa shfryrje inatesh mbi qytetarët e vet por me kujdesin e detyruar e përgjegjshmëri.

Shqipëria që duhet ka gra si kjo, që megjithëse në hall, nuk shfryjnë, nuk shajnë, nuk mallkojnë por na tregojnë; tregojnë me sa munden pamundësinë e tyre! Nevoja për ushqim, ilaçe, e mbijetesë, nuk mund të mbyten nga propaganda.

Shqipëria që duhet, bëhet duke marrë përgjegjësitë për të rishpërndarë paratë e shqiptarëve tek nevojtarët jo tek klientet miliarderë! Shqipëria që duhet është Shqipëria ku paratë e përbashkëta shkojnë tek ata që kanë nevojë sot më shumë se kurrë”, shkruan Grida Duma.

https://www.facebook.com/200615733437412/posts/1607655216066783/?sfnsn=mo&d=n&vh=e

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm