Kreu i Njësisë Administrative Kotë në Vlorë, Argjil Gjoka, i cili u plagos rëndë ka ndërruar jetë në spitalin e Vlorës.
Ngjarja dyshohet të ketë ndodhur në Mavrovë në momentin kur po punohej për shtrimin e rrugës. Mësohet se banorët u konfliktuan me njërin prej punonjësve të rrugës dhe njëri nga banorët qëlloi me armë drejt punëtorëve. Plumbi ka goditur në kokë Argjil Gjokën, duke i shkaktuar atij një plagë fatale për jetën.
Mësohet se një vit më parë është vrarë edhe kreu i mëparshëm i Njësisë Administrative Kotë.
Discussion about this post