Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Çfarë lajmërojnë sondazhet dhe pse Basha nuk duhet të gëzohet

Politiko 23 Janar 2021, 16:54
Çfarë lajmërojnë sondazhet dhe pse Basha nuk duhet të

Alfred Lela

Lulzim Basha nuk i humbi thellë zgjedhjet e 2017 se bëri marrëveshje me Edi Ramën, por sepse u vetëkënaq, priti dhe besoi më shumë se sa duhej te ai pakt. Edhe pse e bëri njeriun e dytë më të fuqishëm politik në Shqipëri, marrëveshja nuk i dha imunitet në zgjedhjet e radhës, madje siç rezultoi, ia dëmtoi atë.

Nën drogën e asaj vetëkënaqjeje Basha pat hartuar jo vetëm listën e kandidatëve për deputetë, por edhe skemën e fushatës. Kjo e fundit u trajtua thuajse si formalitet, një gjë që duhet bërë si shtysë e traditës, jo nevojë elektoralo-politike. Turi dhe mungesa e përplasjeve të forta me qeverinë thujase nënkuptonte, naivisht, se me shmangien e Metës, politika bëhej sërish dy polare dhe vendin e Rilindjes do ta zinte Republika e re.

Në mungesë të sondazheve, apo pavarësisht prej tyre, kryetari i demokratëve u mjaftua me halucinogjenët e pushtetit të pritshëm të cilët dolën të gënjeshtërt.

Pasë bërë këtë gabim besimi, pamaturie dhe shansi, Bashës nuk i falet që të gënjehet për herë të dytë. Të besojë se sondazhet, deri më tash të provuara si të besueshme të IPR Group, që e shohin në pole position për pushtetin e pas 25 prillit, janë lajmi i mirë që ai dhe të tijtë presin.

Ndërkohë që përgatisin terrenin e perceptimeve joshëse për opozitën, duke e veshur atë me imagjinaren e pushtetit, sondazhet mbeten projeksione, deri ditën kur votohet dhe të nesërmen e saj kur votat numërohen.

Ai i 25 prillit, për demokratët dhe sidomos për Bashën, është një bast shumë i madh për t’ia besuar skedinës me ‘dy gola lart’ të sondazheve. Edhe më shumë kështu kur pushteti ka në dorë më shumë instrumente manipulimi dhe nënshtrimi, më shumë benefite për të ndarë dhe financa për të shpërndarë, se sa kundërshtarët e tij në opozitë.

Kështuqë, si listat ashtu dhe fushata e Bashës, duhen bërë sikur PD dhe opozita janë poshtë në sondazhe dhe kanë nevojë të rikuperojnë 2, 3, 4 apo 10 pikë të munguara në betejën elektorale. Ky mentalitet është edhe më emergjent po të mbahet parasysh rekordi i dy zgjedhjeve të fundit: dyshimet për ndikim (përgjimet e BILD dhe dosjet 194 dhe 339) të rezultatit të para katër viteve dhe pjesëmarrjes së ulët në votimet e vitit 2019.

Opozitës, për të tejkaluar edhe pragun e manipulimit (të cilin sondazhet nuk e marrin parasysh), i duhet edhe një përqindje ekstra votash.  

Të fundit