Presidentja e KE: Do kërkoj rrugë alternative për të forcuar lidhjet me Shqipërinë dhe Maqedoninë e Veriut

Ursula von der Leyen, presidentja e zgjedhur e Komisionit Europian tha sot në Berlin se Shqipëria dhe Maqedonia e Veriut “kanë bërë përpjekje të mahnitshme për të arritur në stadin që ne u këkruam”. Në një konferencë për shtyp pas takimit me kancelaren Merkel, ish-ministrja gjermane tha se hapja e një rruge drejt antarësimit për Shqipërinë dhe Maqedoninë e Veriut është e një rëndësie të madhe strategjike.

Presidentja e zgjedhur e KE tha se do të kërkojë rrugë alternative për të forcuar lidhjet me të dy vendet e Ballkanit Perëndimor, raporton POLITIKO.

POLITIKO.eu e sheh deklaratën e der Leyen si një ‘shigjetë’ për Presidentin francez Makron i cili i tha ‘Jo’ hapjes së negociatave mes dy vendeve ballkanike dhe BE.