Kryeministri Edi Rama ka folur për Vitore Tushën, propozimin e Presidentit për kryetar të Kontrollit të Lartë të Shtetit.
Rama vlerësoi figurën e saj si një gjykatëse që ka kaluar vettingun por tha se emërimi i saj është në pikëpyetje pasi mund të rrezikohet ecuria e reformës në drejtësi pasi Tusha është në Këshillin e Emërimeve në Drejtësi.
“Zonja gëzon të gjithë respektin tim si gjykatëse që ka kaluar vettingun.
Do diskutojmë që emërimi i zonjës mund të vendos në pikëpyetje reformën në drejtësi. Pasi është kyç për Këshillin e Emërimeve në Drejtësi.
Do ta diskutojmë por për ne A-ja është reforma në drejtësi.
Ajo nuk ka kandiduar për KLSH për ti iku detyrës ajo e ka ezauruar detyrën e saj si Gjykatëse Kushtetuese, është në pritje për procesin e zëvendësimit”, u shpreh Rama në emisionin ‘Real Story’ në ‘Vizon Plus’.
Financuar Nga Bashkimi Europian
