Ish-deputeti demokrat Fatbardh Kadilli, është përplasur ashpër me anëtarin e Bindjes Demokratike Fabian Topallaj përsa iu përket çështjes së listave të hapura dhe ndryshimit të sistemit. I ftuar në studion e “Real Story” në News 24, Kadilli është shprehur se problemi më i madh i Ramës janë koalicionet parazgjedhore.
Sipas Kadillit, Rama i frikësohet futjes së opozitës në zgjedhje si front i bashkuar për këtë arsye kërkon heqjen e koalicioneve. Ndërkohë, Topallaj është shprehur se për të hapur listat dhe demokratizuar Shqipërinë është gati të bëjë marrëveshje edhe me Kim Jong un-in, jo më me Edi Ramën.
Pjesë nga debati:
Kadilli: Ti po i heq litarin nga fyti Edi Ramës…
Topallaj: Për të demokratizuar Shqipërinë bëj aleancë edhe me Kim Jong un-in.
Kadilli: Në opozitë përcaktohen veprimet dhe veprimet tona janë kundër Edi Ramës.
Këta janë duke i hequr litarin nga ftyti Edi Ramës, duke u marrë me listat. Çështja nuk janë listat, nuk është sistemi, por pengimi i koalicioneve për të fragmentarizuar opozitën, për të mos e lejuar atë të punojë e bashkuar. Në këtë mënyrë, me heqjen e koalicioneve Edi Rama po kërkon t’i prishë mundësinë opozitës për të luajtur e gjitha e bashkuar si një front. Do të na prishë mundësinë për t’u futur në garë elektorale të bashkuar si front opozitarë dhe këtë gjë ne nuk duhet t’ja lejojmë.
Financuar Nga Bashkimi Europian
