Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

KRYESORE

U infektua me COVID, rrëfehet Nora Malaj: Përjetova djersët e vdekjes, virusi arriti pikun në ditën e 9; më ka lënë goditje

Politiko 13 Gusht 2020, 23:10
U infektua me COVID, rrëfehet Nora Malaj: Përjetova djersët e

Ish-zv. ministrja e Arsimit, Nora Malaj, arriti ta fitonte betejën e saj me COVID-19, mirëpo pasojat në shëndet dhe kujtimet e hidhura që kanë lënë ato ditë në memorien e saj nuk janë të pakta.

Në një intervistë për Report Tv, Malaj ka rrëfyer me detaje simptomat e para që e bën të kuptonte se ishte infektuar me COVID, dhe mënyrën se si e përballoi virusin vdekjeprurës në shtëpinë e saj së bashku me të shoqin, i cili u prek gjithashtu.

Pavarësisht se ia doli mban “të mposhte vdekjen”, Malaj tregon se asaj do t’i duhet më shumë kohë, trajtim ushqimor, por edhe të mendoj pozitivisht për të tejkaluar këtë situatë, pasi koronavirus- sipas saj- nuk ka vetëm vuajtje fizike, por dhe emocionale e mendore.

"Më ka lënë goditje në të gjithë organizmin dhe ka nevojë për t'u rikuperuar. Kam nevojë për ushqim më të specifikuar dhe rrezet e diellit. Medikamentet e marra ishin të forta të bënin të humbisni në peshe  dhe duhet edhe të mendosh pozitivisht pasi nuk ishte traumë fizike por dhe mendore. Kam nevojë për kohë rikuperimi edhe pas sëmundjes, që mund të zgjasë edhe për 10 deri në 15 ditë.  Më humbi shija e jetës, thjeshtë vegjetoja. Kisha temperaturë, dhimbje në gjok dhe këputje që fillonte që nga rrënja e flokëve deri tek maja e gishtave. Kisha djersë pa pushim dhe pastaj filloi të humbiste shija dhe nuhatjen, ndërsa në gojë kishe shijen e një metali. Pije ujë dhe nuk e shijoja dhe e vetmja gjë që më kërkonte organizmi ishte dhallë. Pasi bëra skanerin e kuptuam që ishte covid, që e përcaktoi mjeku Pëllumb Pipero. Ai u alarmua pasi unë jam dhe me diabet. Të jem e sinqertë nuk e doja spitalin  dhe filluam mjekimin në shtëpi ku fatkeqësisht u infektua dhe bashkëshorti. Pata momente kur mendoja nuk po duroj dot më", tha Malaj.

"Virusi e arriti kulmin në ditën e 9" thotë Malaj duke e cilësuar si ditën më të vështirë, ndërsa "në ditën e 17 mu rikthye sërish shija."

Në fund, ish-zëvendësministrja e Arsimit, Nora Malaj, ka bërë edhe një apel për politikën, ndërsa kërkon të lihen mënjanë fyerjet dhe sharjet për beteja politike në situata të tilla.

"Pavarësisht betejave politike, në këtë rast jemi të gjithë njësoj dhe nuk duhet ngatërruar njerëzorja me politikën", tha ajo.

Të fundit